Bota

Shpërndahet parlamenti bullgar, më 2 tetor vendi në zgjedhje të reja

Anëtarët e kabinetit kujdestar dhe prioritetet e tij do të prezantohen zyrtarisht mesditën e së martës në administratën e Presidentit.

1 Gusht 2022, 19:55 Nga I.A

Parlamenti bullgar

BULLGARI- Presidenti bullgar Rumen Radev dekretoi të hënën shpërndarjen e Asamblesë Kombëtare të 47-të, që hyn në fuqi më 2 gusht dhe mbajtjen e zgjedhjeve të parakohshme parlamentare më 2 tetor. Me të njëjtin dekret Radev emëroi një kabinet të përkohshëm të kryesuar nga Galab Donev, një ish-ministër kujdestar i punës dhe politikës sociale.

Anëtarët e kabinetit kujdestar dhe prioritetet e tij do të prezantohen zyrtarisht mesditën e së martës në administratën e Presidentit. Dekreti i Presidentit u dha në përputhje me Kushtetutën, pasi “Vazhdo ndryshimin” nuk përmbushi mandatin e formimit të kabinetit, GERB-UDF e refuzoi mandatin dhe BSP për Bullgarinë gjithashtu hoqi dorë nga detyra.

Qeveria e Kiril Petkov u rrëzua më 22 qershor me 121 vota pro! Kuvendi ka rrëzuar qeverinë në Bullgari duke çuar vendin në zgjedhje të jashtëzakonshme. Ky vendim vjen në një moment kur Bullgaria pritet të hiqte veton ndaj Maqedonisë së Veriut për të ecur përpara me negociatat me Bashkimin Evropian. Vendimi u mor 6 muaj pasi koalicioni katërpartiak i Petkov mori detyrën, vetëm për t'u shpërbërë në fillim të muajit qershor lidhur me mosmarrëveshjet mbi shpenzimet buxhetore dhe në lidhje me VETO-n e Bullgarisë.

rumen radev galab donev kiril petkov