Sport

Eleminimi nga Petrocub sjell zhgënjim, Laçi paralajmëron revolucion në skuadër! (STATUSI)

Laçi dështoi të kualifikohej në sfidën e kthimit përballë Petrocub, e vlefshme për raundin e dytë kualifikues Conference League.

29 Korrik 2022, 17:06 Nga DOSJA

Eleminimi nga Petrocub sjell zhgënjim, Laçi paralajmëron

KURBIN- Laçi dështoi të kualifikohej në sfidën e kthimit përballë Petrocub, e vlefshme për raundin e dytë kualifikues Conference League. Kurbinasit dalin të eliminuar nga moldavët me rezultatin 1-4, në raundin e dytë të turneut edhe pse bardhezinjtë kaluan të parët në avantazh.

Klubi i Laçit ka reaguar përmes një deklarate në rrjetet sociale tregon zhgënjimin e madh nga ndeshja e kthimit me Petrocub, ndërsa shton se do të ketë revolucion në skuadër.

"Humbja e djeshme 1-4 kundër Petrocub, që rrjedhimisht solli edhe eliminimin nga Conference League në turin e dytë eliminator, ka shkaktuar zhgënjim të madh në klubin tonë. Synimi ishte kalimi i turit dhe vazhdimi i një tradite pozitive në garat ndërkombëtare.

Kjo gjë nuk ndodhi dhe nisur nga rezultati dhe loja e zhvilluar, KF Laçi do të marrë gjithë masat që të jetë gati për sezonin e ri futbollistik. Kjo nënkupton një revolucion në ekip, në të mirë të së ardhmes së klubit në çdo aspekt. Rikthehemi më të fortë! Para Laçi".

E.Ç (Dosja.al)

laci petrocub

Sondazh

Poll

MË SHUMË