Sport

ARRATISJET, mundësia për t’u larguar nga Kuba. Gjatë Botërorit në SHBA, ikin edhe dy atlete kampione dhe fizioterapisti...

Një tjetër atlete cilësore kubane ka dezertuar dhe është larguar nga ekipi në Miami, teksa po kthehej nga kampionati botëror në Eugene, SHBA.

28 Korrik 2022, 11:20 Nga DOSJA

ARRATISJET, mundësia për t’u larguar nga Kuba. Gjatë

SHBA - Hedhësja e diskut, fituese e medaljes së bronztë olimpike, Yaimé Pérez, 31 vjeç, braktisi delegacionin kuban, ndërsa ishte në një ndalesë në Miami. Arratisja e saj vjen vetëm disa ditë pas dezertimit të hedhëses së shtizës, 19-vjeçares Yiselena Ballar.

Ballar kishte shfrytëzuar gjithashtu një ndalesë në Miami për t’u largua, por e kishte bërë këtë rrugës në nisje të Kampionatin Botëror. Një tjetër anëtar i delegacionit kuban, fizioterapisti Carlos González, u arratis në të njëjtën ditë me Yaimé Pérez.

Zyrtarët kubanë i quajtën dezertimet e tyre “indisiplinime serioze”. Atletët kubanë kanë një histori të gjatë arrastisjesh nga ishulli i drejtuar nga komunistët, ndërsa garojnë jashtë vendit, por kriza ekonomike e përkeqësuar në Kubë, ka çuar në shtimin e numrit të tyre.

Vetëm këtë vit Kuba ka humbur kampionin e saj olimpik në mundje, Ismael Borrero, medalistin e saj të argjendtë në kërcimin së gjati në Lojërat Olimpike të Tokios, Juan Miguel Echevarría dhe kanoistin fitues të medaljes së artë, Fernando Jorge. Kuba i ka akuzuar ata se po veprojnë nga lakmia. “Më vjen keq për ta, sepse ata ndryshojnë fanelën e tyre për çdo arsye monetare,”,- tha muajin e kaluar presidenti i Federatës Kubane të Atletikës, ish-atleti i njohur Alberto Juantorena.

Largimi i sportistëve më të mirë ka pasur një ndikim të dukshëm në pozicionin e Kubës edhe në tabelat e medaljeve. Në Kampionatin Botëror në Eugene të SHBA-së, ajo regjistroi paraqitjen e saj më të keqe ndonjëherë, duke mbetur pa asnjë medalje.

Yaimé Pérez, i cili fitoi një medalje bronzi në Lojërat Olimpike të vitit të kaluar në Tokio, ishte paraqitur si një pretendente për medalje. Ajo kishte udhëtuar në Eugene për të mbrojtur titullin e saj si kampione e botës, por përfundoi duke dalë vetëm e shtata.

Yiselena Ballar ishte gjithashtu një medaliste bronzi, pasi u rendit e treta në Kampionatin Botëror U20 në Kenia në 2019. Ajo nuk konkurroi në Eugene pas dezertimit të saj.

B.T (Dosja.al)

Sondazh

Poll

MË SHUMË