Sport

Shfaqja hollivudiane e Romës për Dybala-n: dritat, tingujt dhe 10,000 tifozë në ekstazë

Ishte Dita e Dybala-s dhe dita e Dybala-s ishte për t'u mbajtur mend për një kohë të gjatë, sepse nga kohra të lashta nuk mund të kujtohej një shfaqje kaq e madhe

26 Korrik 2022, 23:36 Nga DOSJA

Shfaqja hollivudiane e Romës për Dybala-n: dritat, tingujt dhe 10,000

ITALI- Ishte Dita e Dybala-s dhe dita e Dybala-s ishte për t'u mbajtur mend për një kohë të gjatë, sepse nga kohra të lashta nuk mund të kujtohej një shfaqje kaq e madhe që një lojtar të blihej nga një klub. Një event hollivudian, i përgatitur me detaje, një lokacion spektakolar dhe shumë brohoritje për të pritur argjentinasin.

I emocionuar dukshëm nga vala e dashurisë, Joya bëri debutimin e tij zyrtar në orën 21:21, kohë që shënon përgjithmonë aventurën e tij të re me skuadrën verdhekuqe. 10,000 tifozë të Romës e kanë pritur Joyan në Palazzo della Civiltà Italiana gjatë gjithë pasdites.

Argjentinasi nuk i zhgënjeu pritshmëritë, duke dhënë një spektakël në eventin special të organizuar nga sponsori Fendi. “Isha shumë kurioz tju njihja dhe të luaja këtu në Romë ka qenë gjithmonë shumë e vështirë. Të ndjej ngrohtësinë tuaj më bën të dëshiroj të hyj në Olimpico me ju, poshtë kthesës”.

Tani mbetet vetëm debutimi në Olimpico për argjentinasin, i planifikuar për 7 gusht kundër Shakhtar Donetsk. Në fakt, Paulo mund të luajë një segment të ndeshjes më 30 korrik, në ndeshjen kundër Tottenhamit në Haifa.

E.Ç (Dosja.al)

dybala roma

Sondazh

Poll

MË SHUMË