Politike

Largimi i Kryemadhit nga drejtimi, Meta: S'e kam imponuar, bëri gabim historik me mandatet

Duke folur për dorëheqjen e Monika Kryemadhit nga drejtimi, Meta theksoi se nuk ka imponuar asgjë dhe se e gjitha është bërë me parime demokratike. 

25 Korrik 2022, 22:34 Nga k.m.
Largimi i Kryemadhit nga drejtimi, Meta: S'e kam imponuar, bëri gabim
Ilir Meta

TIRANË- Presidenti, i larguar tashmë nga posti, Ilir Meta i rikthyer tashmë në Lëvizjen Socialiste për Integrim që sot mori emrin Partia e Lirisë. I ftuar në “Open”, Meta tha se lidershipi i LSI-së ka bërë një gabim historik, në momentin që morën vendimin për të djegur mandatet. Duke folur për dorëheqjen e Monika Kryemadhit nga drejtimi, Meta theksoi se nuk ka imponuar asgjë dhe se e gjitha është bërë me parime demokratike. 

“Unë nuk kam imponuar asgjë. Është një proces demokratik dhe historik dhe i takon LSI-së të ngrihet në këtë lartësi të momentit historik të vendit. Këto përralla me diktatorë brenda LSI-së nuk mund të ekzistojnë. Jam i vetmi kryetar partie që në vitin 2005 nuk e kam vënë veten në listën e partisë në proporcional dhe pse ishim në opozitë, në maxhoritar, u futa në të njëjtën zonë dhe fitova. Këto nuk i bën një autoritar. Lidershipi i LSI-së ka bërë një gabim historik a faj historik, që është pikërisht bashkimi i çuditshëm me idenë dhe vendimin fakt të kryer të Lulzim Bashës për të djegur mandatet. Ka qenë një akt tërësisht emocional dhe një akt tërësisht kundër atyre qëndrimeve jo vetëm publike që kam pasur, por edhe kundër atyre qëndrimeve të mia që iu kam dërguar kryetares së partisë dhe kryetarit të grupit parlamentar dhe asnjë nga deputetët që lanë mandatin nuk më ka çuar një mesazh shoqëror si mendon ti për këtë çështje dhe kurrë nuk e kam besuar që ajo do ndodhë dhe ndodhi në mënyrë mafioze, unë kam qenë në Gjermani. Sot larg qoftë nëse humbet jetën një deputet, duhet një muaj procedura për ta zëvendësuar, ndërsa për 180 e ca deputetë dhe ata në lista për 2 ditë vetëm me një firmë të sekretarit administrativ të parlamentit u bë ai grusht shtetit i qëllimshëm. Siç ishte akoma më e qëllimshme mosregjistrimi i PD-së në KQZ për dekretin e 13 tetorit. Djegia e mandateve është një përgjegjësi e madhe dhe unë mendoj se ata e kanë kuptuar. Nuk ka lidhje me ndëshkimin e këtij vendimi, por me atë që ata vetë janë të ndërgjegjshëm për një veprim që kanë bërë që tregoi mungesë të lidershipit në kuptimin e thellësisë së vendimit. Në konventë kishte nga lidershipi, figura të reja dhe ky do jetë një proces shumë sinergjik mes atyre që kanë qenë, që kanë kontribuar dhe gjithë të tjerëve që kanë dëshirë të angazhohen. Do të jetë gjithëpërfshirëse,”- deklaroi Meta.

Gjithashtu, Ilir Meta tha gjithashtu se do të garojë për kryetar i Partisë së Lirisë. Ai tha se pas dy muajsh, do të mblidhet Konventa, duke shtuar se mund të garojë kush të dëshirojë. 

“Pa asnjë diskutim do garoj. Brenda dy muajsh do mblidhet Konventa dhe do merren vendimet, kush të dojë të konkurrojë. Besoj se në këtë mënyrë po kryej detyrën time ndaj popullit të Shqipërisë. Referendumi është mekanizëm për të mbajtur në kontroll klasën politike që mos guxojë njeri më të bëjë ligje me emra… do merret maxhoranca, ky është qëllimi i kësaj force. Do merret maxhoranca rrugës, ky është objektivi,”-shtoi ai.

ilir meta

Sondazh

Poll

MË SHUMË