Sport

Dështoi në Serinë A, ai u bë një 'makineri golash': 281 realizime të shënuar në nëntë vjet! Më shumë se Ronaldo

Ish-presidenti i Palermos Maurizio Zamparini ka arritur të sjellë në klubin e tij lojtarë që më pas janë bërë të mëdhenj.

25 Korrik 2022, 15:16 Nga DOSJA
Dështoi në Serinë A, ai u bë një 'makineri
Eran Zahavi

ITALI- Ish-presidenti i Palermos Maurizio Zamparini ka arritur të sjellë në klubin e tij lojtarë që më pas janë bërë të mëdhenj. Dybala, Pastore dhe Cavani ishin shembujt më të spikatur. Megjithatë ka pasur momente kur ka qenë një blerje e gabuar ose një keqardhje.

Për të kuptuar se për çfarë po flasim, duhet të kthehemi në verën e vitit 2011, kur Zamparini arriti të transferojë Eran Zahavin, në atë kohë 24-vjeçari shpërtheu me Hapoel Tel Aviv. Zahavi mbërrin te Palermo për pak më pak se dy milionë. Trajneri është Devis Mangia, i cili thuajse menjëherë e vendos si mesfushor sulmues.

Debutimi zyrtar vjen në javën e katërt ndaj Cagliarit dhe është menjëherë magji. Zahavi shënon menjëherë. Sa keq që do të jetë i pari nga vetëm dy golat e shënuar nga Zahavi në një sezon e gjysmë te Palermo. Tjetri do ta shënojë te Bologna, me një goditje të thjeshtë me rrjetë bosh.
Në sezonin e ardhshëm ai luan vetëm tre ndeshje para se të kthehet në Izrael, te Maccabi Tel Aviv, për vetëm 250 mijë euro.

Kjo duket të jetë goditja përfundimtare në karrierën e Zahavit, përkundrazi do të jetë pika e tij e kthesës. Nga viti 2013 e në vazhdim performanca e tij bëhet diçka e çmendur, gati paranormale. Zahavi nis të luajë si qendërsulmues dhe shndërrohet në makineri golash.

Me Maccabi Tel Aviv ai shënoi gjithsej 121 gola në 156 paraqitje dhe në sezonin 2015/16 ai gjithashtu shënoi tetë gola në Champions League idis fazës paraprake dhe grupeve.

2013/14 - 34 gola
2014/15 - 34 gola
2015/16 - 63 gola
2017 - 31 gola
2018 - 22 gola
2019 - 29 gola
2020/21 - 21 gola
2021/22 - 20 gola

Kthesa e shumëfishtë vjen pas lëvizjes në Kinë, në Guangzhou R&F. Në tokën kineze, Zahavi arrin rezultate mbresëlënëse nga sezoni në sezon, përpara se të transferohej në Holandë te PSV Eindhoven. Këtu izraeliti vazhdon të shënojë, duke arritur në 17 gola në 33 ndeshje.

Bilanci total pas largimit nga Palermo dhe Serie A është 281 gola në të gjitha kompeticionet. Aventura në Holandë ka përfunduar zyrtarisht këtë verë, pasi Zahavi në moshën 35-vjeçare ka vendosur të kthehet në vendlindje, ku do të veshë sërish fanellën e Maccabi Tel Aviv. Një kthim në origjinë.

E.Ç (Dosja.al)

eran zahavi palermo

Sondazh

Poll

MË SHUMË