Aktualitet

VD-Kompleksi 'Partizani'/ Balla shkon në SPAK: Kuptova që është bërë punë, solla prova të reja

Taulant Balla ka shkuar në SPAK për të depozituar prova të reja për privatizimin e kompleksit "Partizani".

25 Korrik 2022, 15:01 Nga k.m.

VD-Kompleksi 'Partizani'/ Balla shkon në SPAK: Kuptova që

TIRANË- Kryetari i Grupit Parlamentar në Partinë Socialiste, Taulant Balla ka mbërritur në Prokurorinë e Posaçme kundër Korrupsionit dhe Krimit të Organizuar. Sipas tij, Balla ka shkuar në SPAK për të depozituar prova të reja për privatizimin e kompleksit "Partizani". Jashtë për mediat, Balla është shprehur se puna me hetimin e dosjes ka shkuar mirë, ndërsa la të kuptohet se nuk jepte dot më shumë detaje për shkak të sekretit hetimor. 

“Dosja me dokumente të reja, të cilat mendoj por drejtësinë kjo çështje është e qartë shpresoj që drejtësisë e re të japë rezultat. Ajo që di unë s’kam për të hequr dorë kurrë 10 vite që nga hera e parë që e kam ngritur këtë çështje. Sot isha këtu për të vënë në dispozicion dokumenta dhe vlerësoj faktin që SPAK ka ecur mjaft mirë në hetimin e kësaj çështje. Kaq mund t'ju them sot. Kallëzimin tim e dini shumë mirë, në krye është ai që ka qenë kryeministër në atë kohë dhe familjarët të tjerë të tij, të cilët kanë përvetësuar një pronë që ka shumë elementë penalë për të hyrë në detaje. Aty ka plot elementë siç është falsifikimi, ushtrimi i ndërtimit të paligjshëm, etj. Unë mendoj, ose se kuptova që punë ishte bërë, kaq mund t'u them”, tha Balla.

Privatizimi i kompleksit ‘Partizani’ është një dosje që tashmë e ka në dorë Prokuroria e Posaçme. Në këtë padi të bërë më herët nga Balla akuzohen për shpërdorim detyre ish-kryeministri Berisha, dhëndri i tij Jamarbër Malltezi dhe ish-ministri Arben Imami.

SPAK i ka kthyer përgjigje Kreut të Grupit Parlamentar të PS-së, Taulant Ballës i cili më 18 shkurt i dërgoi një letër ku kërkonte informacione se çfarë është bërë me hetimet pas padisë së tij në vitin 2020 për privatizimin e kompleksit Partizani nga Familja Berisha. Në përgjigjen e SPAK thuhet se çështja është nën hetim. Çështja është regjistuar për veprën penale të parashikuar nga neni 287 të Kodit Penal që parashikon 'pastrim të produkteve të veprës penale'.

kompleksi partizani taulant balla taulant balla ne spak

Sondazh

Poll

MË SHUMË