Aktualitet

Kafja e fundit! Autorët me kapele pritën 10 minuta, mjeti i blinduar i Brahimit u krijoi vështirësi, qëlluan pranë...

Të dy këta persona ishin të përfshirë në ngjarje kriminale më parë madje ndaj tyre është bërë atentat edhe më herët.

23 Korrik 2022, 08:39 Nga A.B
Kafja e fundit! Autorët me kapele pritën 10 minuta, mjeti i blinduar i
Ylli Ibrahimi dhe Klisman Preci

KURBIN- Klisman Preci dhe Ylli Brahimi u ndoqën këmba-këmbës nga autorët. Mbrëmjen e djeshme, dy miqtë, njëkohësisht dhe fqinjë ishin së bashku në një lokal jo shumë larg nga banesa e tyre. Këtë lëvizje e dinin mjaft mirë autorët, të cilët ishin duke pritur në mjet për rreth 10 minuta në rrugën përballë rrugicës së pallatit ku jetonin dy personat.

Sapo makina e shënjestrave iu afrua për të hyrë në rrugën e pallatit, dolën dy atentorët dhe qëlluan me breshëri plumbash në drejtim të makinës. Duke qenë se mjeti ishte i blinduar, njëri prej tyre, me kapele në kokë është afruar tek xhami dhe ka qëlluar në distancë të afërt dhe me pas ata janë larguar me automjetin tip Audi. Klisman Preçi ndërroi jetë pak kohë pas ngjarjes, pasi nuk arriti t’i shpëtonte plagëve të marra, pasi rreth 100 plumba u derdhën drejt mjetit të tyre. Pavarësisht plumbave që mori në kraharor dhe këmbë, biznesmeni Ibrahimi është jashtë rrezikut për jetën, dhe pritet të merret dhe dëshmia e tij për të hedhur më shumë dritë rreth ngjarjes

Policia ka bërë disa ndalime. Numri i të shoqëruarve është 30, megjithatë ata janë liruar shpejt, për shkak se nuk janë persona të dyshuar, po vetëm njerëz që mund të kenë dijeni, apo kanë parë skenën, duke qënë se jetojnë pranë zonës ku ndodhi atentati.

Ylli Ibrahimi i ka shpëtuar një atentati të bërë në janar të vitit të shkuar. Atentatorët e biznesmenit, mbi të cilin u zbrazën plot 20 plumba nga automatiku ‘Scorpions’, ndoqën rrugën Tiranë-Milot e më pas u zhdukën drejt Burrelit, pa u ndaluar nga asnjë efektiv policie. 

Të dy këta persona ishin të përfshirë në ngjarje kriminale më parë madje ndaj tyre është bërë atentat edhe më herët. Dyshohet gjithashtu se Preçi dhe Brahja kishin lidhje edhe me vrasjen e trefishtë që ndodhi të dielën e kaluar në Fushë Krujë.  Ndërkohë në Borzanë është gjetur një makinë që po digjet që dyshohet se ka lidhje me ngjarjen ndërsa në të janë gjetur dy kallashnikovë.

Vrasja e 28-vjeçarit Klisman Preçi dhe plagosja e Ylli Brahimit, 46 vjeç mbrëmjen e së premtes në Milot tronditi edhe një herë vendin pas masakrës së Fushë Krujës me 3 të vrarë. Pas ngjarjes, në fshatin Gramës është gjetur një makinë duke u djegur, e cila dyshohet se i përket autorëve të ngjarjes. Brenda në mjet janë gjetur 2 kallashnikovë, ndërsa hetimet kanë nisur për të zbuluar identitetin e autorëve. Që dyshohet se janë 3, por asgjë nuk është e konfirmuar.

atentat ne milot klisman preçi ylli brahimi

Sondazh

Poll

MË SHUMË