Aktualitet

Atentati në Milot/ 3 PISTAT e vrasjes, mister kush ishte shënjestra e autorëve. E shkuara, problem për të dy

46-vjeçari Ylli Brahimi nuk është një emër i panjohur për Policinë. Në vitin 2003, ai ishte dënuar për trafik droge, ndërsa i kishte shpëtuar një atentati vetëm një vit më parë. Ndërsa Klisman Preçi, i cili mbeti i vdekur, i shpëtoi një atentati në maj të këtij viti, ku ishte bashkë në makinë me Blerim Preçin.

23 Korrik 2022, 01:09 Nga k.m.
Atentati në Milot/ 3 PISTAT e vrasjes, mister kush ishte shënjestra e
Ylli Brahimi dhe Klisman Preçi

MILOT- Vrasja e 28-vjeçarit Klisman Preçi dhe plagosja e Ylli Brahimit, 46 vjeç këtë të premte ne Milot tronditi edhe një herë vendin pas masakrës së Fushë Krujës me 3 të vrarë. 46-vjeçari Ylli Brahimi nuk është një emër i panjohur për Policinë. Në vitin 2003, ai ishte dënuar për trafik droge, ndërsa i kishte shpëtuar një atentati vetëm një vit më parë. Ndërsa Klisman Preçi, i cili mbeti i vdekur, i shpëtoi një atentati në maj të këtij viti, ku ishte bashkë në makinë me Blerim Preçin.

PISTAT E POLICISË

Pista e parë: Hetuesit kanë dyshime se të dyja ngjarjet mund të jenë të lidhura me njëra tjetrën. Kjo për shkak se i plagosuri Ylli Brahimi ka qënë mjaft i lidhur me njërin prej viktimave të Fushë Krujës. Madje konsiderohet si një nga njerëzit shumë të afërt me Ervis Martinajn, nipi i këtij të fundit u vra të dielën e shkuar. Brahimi ka qenë mik edhe me Bujar Likën, ndërsa ka qenë edhe një prej të dyshuarve për vrasjen e Xhelal Reçit. Për vrasjen e këtij të fundit, ishte i dyshuar edhe Reçi.

Pista e dytë: Shënjestra ka qenë, Ylli Brahimi. Burime për Dosja.al bëjnë me dije se Klisman Preçi sapo ishte punësuar si shofer i Brahimit. Të njëjtat burime për Dosja.al bëjnë me dije se Ylli konsiderohej si "i fortë" i zonës dhe se kërkonte mbrojtje. Sidomos pas atentatit që i bënë vjet në janar, ku ia doli që të shpëtonte me plumba në këmbë. Po ashtu, të dy banonin në të njëjtin pallat. Preçi, në katin e parë, ndërsa 46-vjeçari në të tretin. Godinë që e kishin "blinduar" me kamera.

Pista e tretë: Nuk përjashtohet mundësia që Preçi të jetë shenjëstra e atentatit dhe Ylli Brahimi. Edhe Klismani, bashkë me kushëririn e tij, Blerimin, tre muaj më parë tentuan që të hiqeshin qafe. Burime për Dosja.al bëjnë me dije se 28-vjeçari kishte një "borxh" pa larë, duke mashtruar disa persona të tjerë me influencë në një qytet në veri të vendit. Ndaj dhe kjo ishte tentativa e dytë për ta eliminuar.

Megjithatë nuk dihet se cila prej këtyre pistave është ajo që do të çojë hetuesit tek autorët.

ylli brahimi klisman preçi atentat ne milot

Sondazh

Poll

MË SHUMË