Aktualitet

“Rri o nëne rehat”, Hajdari që mbledh kanaçe tregon çfarë i thanë në SPAK

Hajdari tregon se prokurorët e posaçëm i kanë thënë të rrijë e qetë sepse ata ishn të bindur që ajo nuk kisha lidhje me evazionin fiskal në të cilin i doli emri.

14 Korrik 2022, 22:30 Nga F.M
“Rri o nëne rehat”, Hajdari që mbledh kanaçe tregon
Merita Hajdari

TIRANË- Merita Hajdari, e moshuara që u thirr në prokurorinë e Posaçme Kundër Korrupsionit dhe Krimit të Organizuar ka treguar bisedën që ka bërë brenda dyerve të SPAK. E ftuar në TPZ, Hajdari tregon se prokurorët e posaçëm i kanë thënë të rrijë e qetë sepse ata ishn të bindur që ajo nuk kisha lidhje me evazionin fiskal në të cilin i doli emri.

“Shkova në SPAK dhe u thashë për çfarë akuzohem. Ai më tha: rri moj nënë se ti nuk ke lidhje me këto gjëra. Ik rri e qetë. Dola jashtë dhe thashë që drejtësinë do ta kërkoj. Dua të di kush mi ka bërë këto falsifikime. Unë jetoj me fukarallëkun tim, nuk dua të dal kështu të më shohë gjithë bota. Nuk i njoh këta njerëz dhe nuk dua t’i njoh se më ka vënë në shpinë gjithë këtë ngarkesë. Unë jam hallexhie, nuk jam bose,”- u shpreh Merita Hajdari.

Merita Hajdari është thirrur në Prokurorinë e Posaçme Kundër Korrupsionit dhe Krimit të Organizuar (SPAK) pasi emri i saj u lakua si një nga përftueset e miliona eurove nga afera e evazionit fiskal. Hajdari është vetëm një prej disa emrave që figurojnë përftues nga afera e evazionit fiskal. Aty kanë dalë edhe azilantë e të vdekur.

merita hajdari skandali me evazionin fiskal

Sondazh

Poll

MË SHUMË