Aktualitet

"Shtëpi bari" në Ohër, arrestohet dhëndri i kryetarit të Bashkisë Pogradec, Xhakolli e mohon

Autoritetet bëjnë me dije se janë zbuluar 3.000 rrënjë ilegale marijuanë, 100 litra vaj kanabisi, si dhe 600 kg kanabis i tharë.

14 Korrik 2022, 11:41 Nga k.m.
"Shtëpi bari" në Ohër, arrestohet dhëndri i
Ilir Xhakolli

POGRADEC- Mediat në Maqedoninë e Veriut raportuan për zbulimin e një “shtëpie bari” në Ohër, duke deklaruar se janë arrestuar 10 persona, mes tyre edhe pronari. Edhe pse nuk e kanë përmendur me emër, sipas "Alsat.mk", pronari është dhëndri i kryebashkiakut socialist të Pogradecit, Ilir Xhakolli. Autoritetet bëjnë me dije se janë zbuluar 3.000 rrënjë ilegale marijuanë, 100 litra vaj kanabisi, si dhe 600 kg kanabis i tharë.

I pyetur nga mediat shqiptare për këto akuza, Xhakolli ka theksuar se dhëndri i tij ishte me pushime në Turqi me familjen dhe nuk është arrestuar në Maqedoninë e Veriut.

“Unë jam vetë me pushime në Greqi me familjen, kurse dhëndri im është me familjen në Turqi. Nuk është arrestuar fare dhe s’ka lidhje me këtë ngjarje”, - u shpreh ai për mediat. Ndërkohë që vlen të theksohet se në Republikën e Maqedonisë së Veriut, kultivimi i kanabisit mjekësor është i lejuar, por jo ai për konsum personal.

ilir xhakolli arrestohet dhendri i ilir xhakollit

Sondazh

Poll

MË SHUMË