Art&Argëtim

Victoria Beckham 'e tmerruar' për sigurinë e familjes së saj pas incidentit të ndodhur në shkollën e vajzës së saj

Çifti i famshëm Victoria dhe David Beckham kanë frikë të dalin nga shtëpia pasi një përndjekëse “terrorizon” bashkëshortin e saj David si dhe ‘kërcënon familjen e tyre’ në Britani.

12 Korrik 2022, 19:12 Nga s.s
Victoria Beckham 'e tmerruar' për sigurinë e familjes
David dhe Victoria Beckham dhe vajza e tyre

BRITANI- Victoria Beckham dhe David Beckham ndihen të kërcënuar dhe të frikësuar pas incidentit të ndodhur në shkollën e vajzës së tyre, Harpers. Ata janë "në panik për sigurinë e familjes" pasi ndjekësi i dyshuar Sharon Bell u shfaq në shkollën e vajzës së tyre Harper dhe pretendoi se 10-vjeçarja ishte fëmija i saj.

Futbollisti legjendar dhe gruaja e tij stiliste thuhet se kanë qenë të tronditur nga incidenti që ndodhi. Sharon Bell, e cila është në pritje të gjyqit pasi u akuzua për ndjekjen e çiftit të profilit të lartë, u paraqit në shkollën fillore në një përpjekje për të folur me motrën e Brooklyn, pasi 58-vjeçarja besonte se çifti i famshëm i kishin vjedhur vezët e saj dhe se Harper ishte fëmija i saj.

David Beckham i tha Gjykatës së Magjistraturës së Westminsterit se ai ndihet "i kërcënuar" dhe "i frikësuar për sigurinë e familjes së tij", pasi zonja Bell gjithashtu dërgoi letra në shtëpitë e familjes në Oxfordshire dhe Londër, raporton thenews.com.

Bell u shfaq gjithashtu në shtëpimë e tyre, e cila mendonte se kishte një lidhje me ikonën e futbollit, por ajo e mohoi ndjekjen dhe do të dalë në gjyq në korrik. Ish-Spice Girl ishte në shkollë kur Bell u përpoq të fliste me Harper dhe një burim i afërt me stilistin i tha revistës Heat se ajo ishte "e tmerruar" për sigurinë e familjes së saj. "Ata i kanë rritur masat në shtëpi dhe po marrin masa paraprake shtesë", shtoi ai.

Victoria Beckham, e cila ka qenë gjithmonë e prirur për t'u dhënë fëmijëve të saj një jetë normale, tani thuhet se ka frikë të ndajë ndonjë detaj të jetës së tyre private në rrjetet sociale. Gjithashtu organet kompetente kanë bërë me dije se hetimet po vazhdojnë.

victoria dhe david beckham

Sondazh

Poll

MË SHUMË