Art&Argëtim

Zbulohen arsyet e ndarjes së çiftit Totti-Blasi, ish-kapiteni i Romës erdhi në Tiranë me të dashurën e re

Revista ka siguaruar disa pamje të Tottit me të dashurën e tij të re Noemi Bocchi, me të cilën thuhet se është parë shpesh në restorantet e kryeqytetit italian madje ajo e shoqëroi dhe gjatë udhëtimit të bomberit në Tiranë në Conference League.

12 Korrik 2022, 10:49 Nga d.a.
Zbulohen arsyet e ndarjes së çiftit Totti-Blasi, ish-kapiteni i
Francesco Totti dhe Ilary Blasi

ITALI- Ndërsa ish-kapiteni i Romës Francesco Totti dhe moderatorja Ilary Blasi shokuan fansat e tyre me njoftimin për divorc pas 17 vitesh martesë duket se nuk ka habitur mediat vendase.

Sipas revistës 'Chi', edhe pse lajmi për ndarjen u bë publik ditën e djeshme dyshja prej kohësh janë ftohur me njëri-tjetrin madje dhe kanë filluar lidhjet respektive me një person tjetër. Revista ka siguaruar disa pamje të Tottit me të dashurën e tij të re Noemi Bocchi, me të cilën thuhet se është parë shpesh në restorantet e kryeqytetit italian madje ajo e shoqëroi dhe gjatë udhëtimit të bomberit në Tiranë në Conference League.

Dy ditë para njoftimit, në fakt, Totti ishte në shtëpinë e Noemit nga ora 20:30 deri në orën 02:30, i shoqëruar nga një mik në bordin e një Smart. Kapiteni shkoi në shtëpinë e gruas, duke lënë makinën e tij në një parking dhe duke pritur shokun e tij ta merrte. Dhe pastaj, gjithmonë me të, ai u kthye për të marrë makinën e tij natën vonë.

Thashethemet për krizën e çiftit Totti Blasi kanë ndjekur njëra-tjetrën që në fillim të vitit dhe është përfolur për marrëdhënie të reja nga të dyja palët, edhe pse gjithmonë e mohuar për të mbrojtur familjen. Por edhe pse flitet për lidhjen e Tottit thuhet se në fakt shkaku fillestar i ndarjes është vetë Ilary.

Gjithçka filloi kur kapiteni lexoi disa mesazhe komprometuese në telefonin e gruas së tij me një bashkëpunëtorin e saj shumë të të ri në moshë. Blasi fjalë për fjalë do t'i kishte "humbur kokën" pas djaloshit, të cilin ajo do ta kishte ndjekur larg vëmendjes gjatë udhëtimeve të saj në Milano për të drejtuar "Ishulli i të famshëmve". Pra, kur Totti mohoi krizën, ndarja tashmë ishte duke u nisur, por numri një i Romës u përpoq të bënte gjithçka që ishte e mundur deri në fund për të mbrojtur fëmijët e tij.

francesco totti ilary blasi divorcohen totti dhe blasi noemi bocchi

Sondazh

Poll

MË SHUMË