Aktualitet

Autoritetet kapin kamionin me 2300 kg metamfetaminë, ja si u zbulua droga në San Diego

Katër burra nga Tijuana, Meksikë, u arrestuan dhe u akuzuan për komplot për të shpërndarë drogën, e cila konsiderohet si një nga kapjet më të mëdha në San Diego County.

10 Korrik 2022, 15:11 Nga k.m.
Autoritetet kapin kamionin me 2300 kg metamfetaminë, ja si u zbulua droga
Droga e kapur

SHBA- Më shumë se 2300 kg metamfetaminë u sekuestruan këtë javë pasi autoritetet në San Diego gjurmuan dhe kapën një kamion që kaloi kufirin e SHBA nga Meksika. Katër burra nga Tijuana, Meksikë, u arrestuan dhe u akuzuan për komplot për të shpërndarë drogën, e cila konsiderohet si një nga kapjet më të mëdha në San Diego County.

"Kjo kapje monumentale përfaqëson një tjetër fitore kundër karteleve të drogës që nxisin varësinë në Shtetet e Bashkuara," tha Shelly S. Howe, një agjente speciale përgjegjëse në Administratën e Zbatimit të Drogës në SHBA.

Kamioni komercial 6 metra i gjatë, i cili mbante 148 pako metamfetaminë, kaloi kufirin të enjten përmes portit komercial të hyrjes Otay Mesa në San Diego. Ndërsa në prill, oficerët e Doganave dhe Mbrojtjes Kufitare të SHBA në Kaliforni kapën më shumë se 181.4 kg "met", kokainë dhe heroinë të fshehura në kutitë e veglave që po transportoheshin, që kapte shumën e 2.56 milionë dollarësh./ Marrë nga www.cbs58.com

shba

Sondazh

Poll

MË SHUMË