Bota

SHBA/ Masakra e Çikagos, 21-vjeçari akuzohet për shtatë akuza, rrezikon burgim të përjetshëm

I dyshuari akuzohet se ka qëlluar 70 plumba nga një armë me fuqi të lartë mbi turmën dhe është maskuar si grua në mënyrë që të mund të arratisej së bashku me njerëzit që do të vraponin.

6 Korrik 2022, 09:19 Nga e.k
SHBA/ Masakra e Çikagos, 21-vjeçari akuzohet për shtatë
Autori i masakres

SHBA- I riu që u  akuzua se hapi zjarr në paradën e 4 korrikut pranë Çikagos është akuzuar për shtatë akuza për vrasje thanë zyrtarët.

‘Robert Crimo, 21 vjeç, do të dënohet për vrasjen që ka bërë kundër komunitetit tonë”, tha prokurori i shtetit të Lake County, Eric Rinehart.

"Këto janë vetëm të parat nga shumë akuzat që do të ngrihen kundër 21-vjeçarit Robert Crimo," tha ai nën thirrjet dhe duartrokitjet nga turma e mbledhur për konferencën për shtyp të martën. Dua ta theksoj këtë. Do të ketë më shumë akuza”, shtoi prokurori.

I dyshuari akuzohet se ka qëlluar 70 plumba nga një armë me fuqi të lartë mbi turmën dhe është maskuar si grua në mënyrë që të mund të arratisej së bashku me njerëzit që do të vraponin.

Në shtëpinë e tij janë gjetur edhe tre armë të tjera zjarri. Policia tha se i dyshuari kishte pasur dy kontakte të mëparshme me forcat e rendit, por ka qënë në gjendje të blinte pesë armë gjatë vitit të kaluar. Policia e shtetit të Illinois tha se babai i Crimo sponsorizoi aplikimin e tij për licencë për armë zjarri në dhjetor 2019, kur ai ishte vetëm 19 vjeç. Por xhaxhai i tij e mohoi këtë në një deklaratë për Chicago Sun. Në prill 2019, policia u thirr në shtëpinë e tij një javë pasi ai u raportua se u përpoq të vriste veten. Dhe në shtator 2019, policia u thirr nga një anëtar i familjes i cili tha se kishte bërë kërcënime të dhunshme për të "vrarë të gjithë". Policia u përgjigj dhe sekuestroi 16 thika, një kamë dhe një shpatë nga shtëpia e tij. Ai nuk u arrestua dhe nuk u ndërmor asnjë masë tjetër.

Sulmi në Highland Park la shtatë të vdekur dhe më shumë se 30 të tjerë të plagosur.

Viktimat janë si më poshtë:

64-vjeçarja Katherine Goldstein nga Highland Park
35-vjeçarja Irina McCarthy nga Highland Park
37-vjeçari Kevin McCarthy nga Highland Park
63-vjeçarja Jacquelyn Sundheim nga Highland Park
88-vjeçari Stephen Straus nga Highland Park
78-vjeçari Nicolas Toledo-Zaragoza nga Morelos, Meksikë
Një viktimë e shtatë vdiq në një spital jashtë Lake County.

SHBA/ Masakra e Çikagos, 21-vjeçari akuzohet për shtatë

shba robert crimo

Sondazh

Poll

MË SHUMË