Bota

Dialogu/ PE do të votojë rezolutën që kërkon njohjen reciproke të Serbisë dhe Kosovës

Raportuesi për Serbinë, deputeti Vladimir Bilčik nga Partia Popullore Evropiane dhe raportuesja për Kosovën, Viola von Kramon, deputete e Partisë së Gjelbër, njoftuan një konferencë të përbashkët për media në Strasburg.

5 Korrik 2022, 23:29 Nga I.A
Dialogu/ PE do të votojë rezolutën që kërkon njohjen
PE

BRUKSEL- Teksti përfundimtar i raportit për Serbinë, në formë rezolute, duhet të miratohet nesër në seancën plenare të Parlamentit Evropian në Strasburg, dhe kjo është hera e parë që zyrtarisht përmendet njohja e ndërsjellë e Serbisë dhe Kosovës. Danas shkruan se dokumenti i institucionit të BE-së si zgjidhje e nevojshme për dialogun ndërmjet Beogradit dhe Prishtinës.

Krahas rezolutës për Serbinë, Parlamenti Evropian duhet të miratojë edhe rezolutën për Kosovën të mërkurën, më 6 korrik. Raportuesi për Serbinë, deputeti Vladimir Bilčik nga Partia Popullore Evropiane dhe raportuesja për Kosovën, Viola von Crammon, deputete e Partisë së Gjelbër, njoftuan një konferencë të përbashkët për media në Strasburg.

Në mesin e qershorit, projekt-rezoluta për Serbinë u miratua nga Komisioni për Politikë të Jashtme të Parlamentit Evropian (AFET) me 55 vota pro dhe pesë kundër. Një pjesë e fjalisë në projekt-rezolutën, e cila i bën thirrje Serbisë dhe Kosovës të arrijnë një marrëveshje për normalizimin e marrëdhënieve "bazuar në njohjen reciproke", është shtuar përmes një amendamenti të paraqitur nga Lukas Mandl, anëtar i Partisë Popullore Evropiane .

Mandl është anëtar i Parlamentit Evropian që nga viti 2017 dhe është anëtar i Partisë Popullore Austriake, e cila deri vitin e kaluar drejtohej nga Sebastian Kurz. Ky amendament u mbështet edhe nga deputetë të grupeve të tjera, duke përfshirë socialdemokratët dhe të gjelbërt.

dialogu kosove-serbi viola von crammon vladimir bilčik

Sondazh

Poll

MË SHUMË