Sport

187 gola në 2 ndeshje, në Afrikë e kthejnë futbollin si 'lagje'! Hapet hetimi për trukim ndeshjesh

Futbolli afrikan është nën akuzë për trukim ndeshjesh. Pas asaj që ndodhi pak kohë më parë në Afrikën e Jugut, tashmë skandali ka plasur në Sierra Leone

5 Korrik 2022, 22:37 Nga DOSJA
187 gola në 2 ndeshje, në Afrikë e kthejnë futbollin si
Foto Ilustruese

AFRIKË- Futbolli afrikan është nën akuzë për trukim ndeshjesh. Pas asaj që ndodhi pak kohë më parë në Afrikën e Jugut, tashmë skandali ka plasur në Sierra Leone, ku për shkak të rezultateve të pabesueshme dy ndeshje kanë përfunduar në mënyrë të pashmangshme nën lupën e shoqatës së futbollit të vendit. Ndeshjet në fjalë Gulf FC-Koquima Lebanon dhe Lumbenbu United-Kahula Rangers, të dyja të Super Ligës përfunduan në fakt përkatësisht 91-1 dhe 95-0!

Në një deklaratë, shoqata e futbollit të vendit afrikan tha se synon të zbatojë një politikë "zero tolerance" kundër çdo trukimi të ndeshjeve: "SLFA informon se ka hapur një hetim zyrtar për rezultatin e ndeshjeve të lartpërmendura. Në përputhje me rregullat e FIFA dhe CAF kundër manipulimit të ndeshjeve ose ndryshe, SLFA ruan zero tolerancë”.

Rezultatet e regjistruara në dy ndeshje janë ndër më të lartat në historinë e futbollit, megjithëse rezultati më dramatik i regjistruar ndonjëherë besohet të ketë qenë në vitin 2002 në Madagaskar, me AS Adema që mundi Emyrne 149-0. Megjithatë, me atë rast, lojtarët e Emyrne protestuan kundër gjyqtarëve dhe qëllimisht humbën ndeshjen me një rezultat tronditës pas një sërë vendimesh që ishin kundër tyre gjatë një turneu.

E.Ç (Dosja.al)

sierra leone

Sondazh

Poll

MË SHUMË