Aktualitet

Zjarr në Krastë të Krujës, digjen 50 hektarë pyll, Ministria e Mbrojtjes: Nuk ka vatra aktive

Dy grupe të forcave zjarrfikëse të Krujës  ndodhen ende n  zonë për të shuar zjarrin, por duket se janë të pamjaftueshëm, pasi vatra është shumë e madhe.

5 Korrik 2022, 12:47 Nga e.k
Zjarr në Krastë të Krujës, digjen 50 hektarë pyll,
Foto ilustruese

KRUJË- Një zjarr masiv, i cili ka rënë në zonën e Krastës në Krujë ka shkrumbuar deri më tani 50 hektarë tokë është vënë në kontroll. Vatra e aktivizuar që në mëngjesin e sotëm dhe e favorizuar nga era duket se është e vështirë për t'u neutralizuar, kjo edhe për shkak të terrenit malor.

Dy grupe të forcave zjarrfikëse të Krujës kanë qenë në zonë për të shuar zjarrin. Po ashtu u angazhuan dy mjete zjarrfikës, 10 efektivë të repartit zjarrfikës, 8 vullnetarë dhe një patrullë policie. Ndërkohë që Ministria e Mbrojtjes ka bërë me dije se në vend nuk ka asnjë vatër zjarri aktive.

Njoftimi i Ministrisë së Mbrojtjes:

Të pesë vatrat e zjarrit që ditën e sotme përfshinë zona të ndryshme të vendit janë shuar falë ndërhyrjes dhe përkushtimit të punonjësve të pushtetit lokal dhe qendror. Pavarësisht temperaturave të larta, aktualisht nuk kemi asnjë vatër aktive në vend, një situatë e pakrahasueshme me të njëjtën periudhë të vitit të kaluar, ndërkohë që gjithë strukturat e mbrojtjes civile në nivel vendor dhe qendror mbeten në gatishmëri.

Kruja 'në flakë', PD akuza qeverisë: Të qëllimshme, duan të shfrytëzojnë masivin shkëmbor

  • 5 Korrik, 16:17

Ndërkohë që në lidhje me situatën e zjarreve ka ardhur reagimi nga ana e Partisë Demokratike me anë të anëtarit të Këshillit Kombëtar, Bledi Kasmi, i cili shprehet se e gjithë kjo po ndodh me qëllim shfrytëzimin e masivit shkëmbor për ndërtimet korruptive, koncesione korruptive. Po ashtu, nga selia e PD-së, Kasmi i ka bërë thirrje thirrje organeve kompetente të punojnë për zbardhjen e ngjarjes dhe gjetjen, jo vetëm të autorëve, por edhe të porositësve.

kruje zjarr ne kraste te krujes

Sondazh

Poll

MË SHUMË