Aktualitet

Siguria në plazhe, policia vendos patrulla në zonat bregdetare të vendit

Me anë të një njoftimi, bëhet me dije se disa punonjës të forcave “Shqiponja” dhe të forcave të tjera do të patrullojnë zonat bregdetare për tu gjendur pranë pushuesve. 

1 Korrik 2022, 19:33 Nga I.A
Siguria në plazhe, policia vendos patrulla në zonat bregdetare të
Policia

DURRËS- Policia në plazhe ka vendosur patrulla në zonat bregdetare të vendit në lidhje me sigurinë në plazhe. Me anë të një njoftimi, bëhet me dije se disa punonjës të forcave “Shqiponja” dhe të forcave të tjera do të patrullojnë zonat bregdetare për tu gjendur pranë pushuesve. 

Njoftimi i Policisë:

Siguria në plazhe. Prej ditës së sotme, në të gjitha zonat bregdetare të vendit, në ndihmë të DVP-ve që kanë plazhe në juridikisionin e tyre, nga DVP-të e tjera kanë shkuar në ndihmë punonjës policie të Forcës së Posaçme “Shqiponja”, patrulla të përgjithshme, Policia Rrugore dhe Policia Kriminale. Po nga sot, në këto zona bregdetare, ka nisur patrullimi me biçikleta nga punonjësit e Policisë, një mënyrë shumë efikase kjo, për t’iu gjendur pranë në kohë reale, pushuesve që mund të kenë nevojë, përsa i përket problematikave që trajtohen nga ana e Policisë.

Pamjet nga plazhe në Durrës, ku Policia ka nisur patrullimin me biçikleta, sikundër edhe të gjtiha shërbimet e tjera të planizuara, janë në patrullim dhe në gatishmëri 24/7.  Policia e Shtetit garanton pushuesit se ka marrë të gjitha masat për një sezon veror sa më të qetë dhe fton cilindo pushues që për çdo problematikë që mund të hasë, të telefonojë në numrin pa pagesë 112 ose të dërgojë pamje filmike dhe mesazhe në Komisariatin Dixhital, duke iu garantuar reagim të menjëhershëm dhe profesional. Policia e Shtetit iu uron pushuesve, pushime të mbara!

policia e shtetit

Sondazh

Poll

MË SHUMË