Politike

Kandidatët për kryetarë dege, Rama: Në total janë 561, 32.2% e tyre janë vajza dhe gra

Mësohet se në mbledhjen e sotme do të shqyrtohet procesi i zhvilluar i deritanishëm si dhe do të analizohen të gjithë kandidatët.

1 Korrik 2022, 17:28 Nga I.A
Kandidatët për kryetarë dege, Rama: Në total janë 561,
Edi Rama

TIRANË- Kryeministri Edi Rama ka publikuar dhe numrin e kandidatëve për kryetarë të degëve, pak para nisjes së mbledhjes së kryesisë së Partisë Socialiste, të cilët janë gjithsej 561. Sipas përqindjeve të publikuara nga Rama në Facebook, 34% e tyre ose 190 kandidatë janë nën 35 vjeç. Po ashtu bëhet me dije se 47% e kandidatëve ose 263 janë nga mosha 36-50 vjeç. Ndërkohë që 32.2% e kandidatëve janë vajza dhe gra.

Partia Socialiste do të mbledhë pasditen e sotme kryesinë për zgjedhjen e 61 kryetarëve të degëve të kësaj partie. Mësohet se në mbledhjen e sotme do të shqyrtohet procesi i zhvilluar i deritanishëm si dhe do të analizohen të gjithë kandidatët. Ndërkohë që pasi të merren të gjitha rezultatet nga komisioni që ka zhvilluar dëgjesat, kryesia e PS-së do të caktojë dhe kryetarët e rinj në degët. Në Kongresin e PS-së të mbajtur më 9 prill delegatët votuan ndërprerjen e mandatit të 61 kryetarëve aktual të Partisë. Kjo u bë me qëllim riorganizimin e partisë për zgjedhjet vendore të vitit 2023.

edi rama partia socialiste

Sondazh

Poll

MË SHUMË