Sport

'Isha 2-vjeç kur u largova nga Shqipëria', Asllani flet për Inter TV. (MESAZHI PËR TIFOZËT)

Kristjan Asllani ka nisur aventurën më të rëndësishme në karrierë teksa firmosi me Inter dhe së fundmi ka zgjedhur edhe numrin e fanellës për sezonin e ardhshëm

30 Qershor 2022, 21:14 Nga DOSJA
'Isha 2-vjeç kur u largova nga Shqipëria', Asllani flet
Kristjan Asllani

ITALI- Kristjan Asllani ka nisur aventurën më të rëndësishme në karrierë teksa firmosi me Inter dhe së fundmi ka zgjedhur edhe numrin e fanellës për sezonin e ardhshëm. Mesfushori i kombëtares së Shqipërisë do të mbajë veshur bluzën me numër 14. Pas firmës, mesfushori ka bërë një intervistë për Inter TV.

Cilat janë emocion që po përjeton?

Është një emocion i mrekullueshëm. Jam 20 vjeç dhe të veshësh këtë fanellë është një emocion unik për mua. Mezi po pres fillimin e sezonit të ri dhe do të jap më të mirën.

Historia jote është interesante. Ti ke lindur në Shqipëri, por që i vogël lëvizët në Itali ku dhe u rrite. E ke imagjinuar se kjo gjë do të ndodhte një ditë?

Në fakt nuk do e imagjinoja kurrë. U largova nga Shqipëria kur isha vetëm 2 vjeç dhe mbërrita në Itali. E bëra të gjithë shkollën këtu, fillova të luaj futboll në Itali dhe kurrë s’do e imagjinoja këtë.

Ata që të kanë parë të rritesh kanë thënë se që fëmijë nuk je ndarë nga topi. Cilët lojtarë të kanë inspiruar? Si do e përshkruaje veten në fushë?

Unë nuk e di kush më ka inspiruar, por është e vërtetë që nuk e kam lëshuar kurrë topin. Kam parë aq shumë ndeshje sa mundesha, sepse doja të mësoja diçka nga të gjithë mesfushorët. Tani jam me fat që do të luaj me Brozovic, i cili është një mesfushor shumë i fort.

Ti je ende i ri, por je rritur shpejt. Ke bërë debutimin në Serinë A këtë sezon, por ke dhënë disa paraqitje fantastike dhe Interi vendosi të vendosë një “bast” mbi ty. Cilat janë qëllimet e tua?

Unë akoma nuk i di cilat janë qëllimet e mia, unë thjesht mendoj në moment. Jam shumë i lumtur që kam debutuar kaq herët me Empolin, të cilës i detyrohem shumë. Tani jam këtu dhe do të përpiqem të jap më të mirën.

Le ta imagjinojmë se tani ndodhesh përpara tifozëve zikaltër, çfarë do t’i thoje atyre?

Unë jam gati dhe unë fansave i kërkojë vetëm të na mbështesin aq sa munden.

E.Ç (Dosja.al)

asllani inter

Sondazh

Poll

MË SHUMË