Sport

‘Historia’ e takimit të Lewas me Xavin në Ibiza. Çfarë ndodhi në restorantin “Lio’?

Sulmuesi polak i kërkuar nga Barça, teksa është me pushime në Ibiza, përkoi të ishte me trajnerin e skuadrës katalane, në restorantin më të preferuar të ishullit.

30 Qershor 2022, 17:56 Nga DOSJA

‘Historia’ e takimit të Lewas me Xavin në Ibiza.

SPANJE - Të mërkurën mbrëma, restoranti 'Lío' në Ibiza u bë qendra e vëmendjes në botën e futbollit. Trajneri i Barçës, Xavi Hernández takoi njeriun e momentit, sulmuesin polak të Bayern Munichut, Robert Lewandowski, por... Çfarë ndodhi në të vërtetë në atë restorant?

‘El Lío' është një restorant shumë i njohur në Ibiza. Një vend i frekuentuar nga nivelet e larta, ku të famshmit dhe njerëzit e pushtetit, fërkojnë supet. Dhe jo më pak, pasi në rastin e gjetjes së një tavoline, një gjë shumë e ndërlikuar, ata kërkojnë minimalisht 150 euro vetëm për rezervimin. 

Rreth 500 njerëz darkojnë çdo natë me produkte të zgjedhura, të servirura në zonën e restorantit, ndërsa vëzhgojnë me kujdes kabarenë. Më vonë, shumë vendosin të shijojnë, ose jo, disko. Duke qenë një klub në ajër të hapur, është e lehtë të dallosh ndonjë person të rëndësishëm që ngjitet shkallëve për të hyrë brenda. Për këtë arsye dje pati një bujë të madhe.

Pyetja miliona dollarëshe: A u zhvillua takimi?

Natën vonë, ata zbritën ato shkallë, me disa minuta diferencë nga Xavi dhe Robert Lewandowski, i cili mbulon pjesën më të madhe të kopertinave në Spanjë, Poloni dhe Gjermani. E vërteta është se të dy u ulën larg njëri-tjetrit, hëngrën, shijuan shfaqjen dhe u larguan, pa u përshëndetur as me njëri-tjetrin.

Duke ditur prezencën e lojtarit, Xavi ka penguar që kamerat t'i kapnin nga afër, për këtë arsye u kujdes që të mos ishte në të njëjtin vend me sulmuesin polak. Shumica e futbollistëve që darkojnë në ‘Lío’ zakonisht gjenden në dhomën VIP të klubit të natës në fund të darkës. Nuk ishte rasti i protagonistëve tanë për këtë.

Klientë të tjerë të rregullt

Mbrëmja e sotme ishte një shembull i numrit të yjeve që shkelin klubin. Në fakt,  Cristiano Ronaldo, ndër shumë të tjerë, u shfaq atje, para disa netësh, me një grup njerëzish, të cilët ai i ftoi bujarisht. Klient i rregullt është edhe rivali i tij gjatë gjithë këtyre viteve në Olimpin e futbollit, Leo Messi. Pa shkuar më tej, teksa gazetari Gerard Romero ka avancuar në ‘Jijantes’, por ‘SPORT’ mund të konfirmojë praninë, në të njëjtin vend, të disa lojtarëve nga La Liga spanjole, madje edhe nga Premier League.

‘Historia’ e takimit të Lewas me Xavin në Ibiza.

B.T (Dosja.al)

Sondazh

Poll

MË SHUMË