Bota

Pjesmarrja në Samitin e G20, Peskov: Ftesa është por Putin ende nuk e ka vendosur nëse do shkojë

Vërejtjet e tij erdhën një ditë pasi udhëheqësi i Ukrainës, Volodymyr Zelensky, tha se ai kishte pranuar një ftesë për të marrë pjesë në samit, por se pjesëmarrja e tij do të varet nga liderët që po marrin pjesë gjithashtu, një referencë e fshehtë për Putinin.

30 Qershor 2022, 14:01 Nga d.a.
Pjesmarrja në Samitin e G20, Peskov: Ftesa është por Putin ende
Dmitry Peskov

RUSI- Zëdhënësi i Kremlinit, Dmitry Peskov, ka folur me gazetarët ku tha se Rusia kishte marrë një ftesë për të marrë pjesë në samitin e këtij viti të G20 në Bali, por nuk kishte vendosur ende nëse presidenti Vladimir Putin do të merrte pjesë.

"Kremlini do të vendosë në kohën e nevojshme nëse presidenti rus do të shkojë personalisht në ishullin indonezian," tha Peskov.

Vërejtjet e tij erdhën një ditë pasi udhëheqësi i Ukrainës, Volodymyr Zelensky, tha se ai kishte pranuar një ftesë për të marrë pjesë në samit, por se pjesëmarrja e tij do të varet nga liderët që po marrin pjesë gjithashtu, një referencë e fshehtë për Putinin.

Pjesëmarrja e Ukrainës do të varet nga situata e sigurisë në vend dhe nga përbërja e pjesëmarrësve të samitit, u tha Zelensky gazetarëve pas bisedimeve me homologun e tij indonezian, Joko Widodo, në Kiev të mërkurën.

Kryeministri i Britanisë, Boris Johnson, tha dje se ai ka shumë të ngjarë të marrë pjesë në samitin e G20-s të këtij viti edhe nëse Putin vendos të shkojë, duke shtuar se bojkotimi thjesht do t'ia linte të gjithë argumentin Rusisë dhe aleatëve të saj.

Johnson u tha gazetarëve se do të ishte "absolutisht i habitur" nëse Putin shkon personalisht në samitin e liderëve në nëntor. Rusia mbetet anëtare e G20, pavarësisht se është përjashtuar nga ajo që ishte G8.

dmitry peskov lufta ukraine-rusi

Sondazh

Poll

MË SHUMË