Bota

Samiti i NATO-s/ Bisedimet e pranimit Suedi-Finlandë, Erdogan takon sot kryeministren suedeze

Erdogan, i cili ka bllokuar çdo përparim në këtë çështje, ka akuzuar Stokholmin dhe Helsinkin për mbështetjen e "organizatave terroriste" dhe nuk ka treguar asnjë qëllim për të bërë kompromis përpara bisedimeve.

28 Qershor 2022, 09:55 Nga j.c
Samiti i NATO-s/ Bisedimet e pranimit Suedi-Finlandë, Erdogan takon sot
Rexhep Tajip Erdogan

SPANJË- Presidenti turk Rexhep Tajip Erdogan është ulur sot në tryezën e bisedimeve, ku do të takohet me kryeministren suedeze Eva Magdalena Anderson dhe presidentin finlandez Sauli Niinistste në Madrid për të diskutuar aplikimet e dy vendeve për anëtarësim.

Sipas CNN, Erdogan, i cili ka bllokuar çdo përparim në këtë çështje, ka akuzuar Stokholmin dhe Helsinkin për mbështetjen e "organizatave terroriste" dhe nuk ka treguar asnjë qëllim për të bërë kompromis përpara bisedimeve.

"Nesër do të shkojmë në samitin e NATO-s në Spanjë dhe do të bëjmë atë që është e nevojshme për të mbrojtur të drejtat dhe interesat e vendit tonë”- tha kreu i shtetit turk të hënën.

Sipas një burimi qeveritar thuhet se i deklaroi gjithashtu se do t'ua shpjegonte hipokrizinë për "organizatat terroriste" krerëve të tjerë të shteteve dhe qeverive me dokumente, informacione dhe foto.

Erdogan ka akuzuar Suedinë dhe Finlandën se mbështesin Partinë e Punëtorëve të Kurdistanit (PKK) dhe Njësitë e Mbrojtjes së Popullit (YPG), të cilat Turqia i përshkruan si "organizata terroriste". Ndërkohë Stokholmi dhe Helsinki kundërshtojnë akuzat turke.

I pranishëm në bisedime do të jetë Sekretari i Përgjithshëm i NATO-s, Jens Stoltenberg , i cili synon të parandalojë opozitën turke ndaj anëtarësimit të dy vendeve nordike në Aleancën Atlantike që të lënë në hije samitin. Aleanca ushtarake prej 30 anëtarësh pritet të miratojë një doktrinë të re strategjike dhe planifikon të forcojë krahun e saj lindor në samit, i pari që nga pushtimi rus i Ukrainës më 24 shkurt.

presidenti turk rexhep tajip erdogan rexhep tajip erdogan samiti i nato-s

Sondazh

Poll

MË SHUMË