Bota

SHBA, treni godet kamionin në Misuri dhe del nga shinat: 3 të vdekur dhe disa të plagosur

Kompania Amtrak tha se treni u përplas me kamionin në një vendkalim publik pranë qytetit të Mendon rreth orës 12:42 pasdite.

28 Qershor 2022, 08:36 Nga j.c

SHBA, treni godet kamionin në Misuri dhe del nga shinat: 3 të vdekur

SHBA- Tre persona kanë vdekur dhe të paktën 50 janë plagosur pasi një tren doli nga shinat të hënën në Misuri. Justin Dunn, një zëdhënës i Trupës B të Patrullës së Autostradës së Shtetit të Misurit, u tha gazetarëve se dy nga njerëzit që u vranë ishin në tren ndërsa i treti ishte në një kamion që goditi treni.

Sipas CNN, autoritetet thanë se incidenti tragjik ndodhi në një kryqëzim në të cilin mungonin sinjalistikat rrugore. Kompania Amtrak tha se treni u përplas me kamionin në një vendkalim publik pranë qytetit të Mendon rreth orës 12:42 pasdite CT (1:42 pasdite ET).

“Tetë makina dhe dy lokomotiva kanë dalë nga shinat pasi goditën një kamion që po pengonte një vendkalim publik pranë Mendon, Misuri"- thanë zyrtarët e kompanisë në një deklaratë.

Robert Nightingale, një pasagjer tha se ishte duke marrë një sy gjumë kur dëgjoi diçka.

"Gjithçka ndodhi si lëvizje e ngadaltë. Filloi të lëkundet dhe më pas të dridhej, dhe pastaj krejt papritur i gjithë ky pluhur kaloi nëpër dritaren time,”-tha ai.

Ai tha se disa njerëz ndihmuan të tjerët të dilnin nga trei ndërkohë që ai së bashku me përsona të tjerë po ecnin në pjesën e përparme të trenit. 

misuri shba treni del nga shinat ne shba

Sondazh

Poll

MË SHUMË