Sport

Gabriel Jesus gjen strehë te “Topçinjtë”, londinezët gati të japin 50 milionë euro!

Bisedimet midis Arsenalit dhe Manchester Cityn për sulmuesin brazilian janë afër përfundimit të suksesshëm.

25 Qershor 2022, 07:23 Nga DOSJA
Gabriel Jesus gjen strehë te “Topçinjtë”,

ANGLI - Sipas medias angleze të ‘The Athletic’, Arsenali është klubi i ri i sulmuesit Gabriel Fernando de Jesus. ‘Topçinjtë’ e Londrës kanë arritur një marrëveshje, për 50 milionë euro, për të siguruar shërbimet e 25-vjeçarit brazilian.

Futbollisti, kontrata e të cilit me Manchester Cityt përfundon në qershor të vitit 2023, është marrë nga Palmeiras në sezonin 2016/17 për 32 milionë euro, ndërkohë që këtë sezon në 28 ndeshje (1878 minuta) ka shënuar tetë gola dhe ka dhënë nëntë asistime në Premier League.

Prej disa kohësh, sulmuesi Gabriel Jesus mendohej se do të largohej nga ‘Cityzen’ në fund të sezonit, por fati i tij u vulos me ardhjen e golashënuesit norvegjez Erling Haaland, i rekrutuar nga Borussia Dortmund për 75 milionë euro.

B.T (Dosja.al)

Sondazh

Poll