Sport

Rangnick në dy ‘karrike’, Ten Hag votoi për largimin e tij nga Man.United

Trajneri i ri i ‘Djajve të Kuq’ ka qenë kundër vazhdimit të ish-teknikut gjerman si konsulent, pas gjashtë muajsh të tij si trajner i përkohshëm.

25 Qershor 2022, 06:50 Nga DOSJA
Rangnick në dy ‘karrike’, Ten Hag votoi për largimin e tij
Eric Ten Hag, trajneri i ri i Manchester United

ANGLI - Sipas ‘ESPN’, mendimi i holandezit ka qenë vendimtar për largimin e gjermanit, i cili do të merrte edhe rolin e trajnerit të Austrisë, ndërsa qëndronte në Old Trafford si konsulent. Disa javë pasi Eric Ten Hag u konfirmua, klubi njoftoi se Rangnick do të largohej dhe do të përkushtohej ekskluzivisht për austriakët.

Gjatë javëve të fundit të Premier League, gjermani Rangnick ishte pyetur vazhdimisht për 'kalimin e portofolit' te holandezi Ten Hag, duke thënë se ata do të flisnin, por sipas të njëjtit burim, nuk kishte asnjë takim ballë për ballë, vetëm një telefonatë.

Largimi i Rangnick u zyrtarizua dy javë pas përfundimit të kampionatit, sapo trajneri i ri mori ‘çelësat’ e pankinës së ‘Djajve të Kuq’. Rangnick, i cili kishte mbërritur në nëntor të vitit të shkuar për të zëvendësuar Ole Gunnar Solskjaer, u konsiderua se kishte shkuar shumë larg në disa konferenca, duke pranuar se tregu i dimrit nuk ishte menaxhuar mirë dhe se klubi nuk kishte arritur të nënshkruante, për shembull, Julian Alvarez (Manchester City), Luis Diaz (Liverpool) ose Dusan Vlahovic (Juventus).

B.T (Dosja.al)

Sondazh

Poll

MË SHUMË