Bota

Nis gjyqi për ushtarin rus, akuzohet për përdhunimin e 33-vjeçares në Ukrainë

. I dyshuari, Mikhail Romanov, 32 vjeç, akuzohet për përdhunimin e një gruaje 33-vjeçare pasi ai dhe një ushtar tjetër rus qëlluan burrin e saj në fshatin Bohdanivka, në verilindje të Kievit, më 9 mars.

23 Qershor 2022, 11:14 Nga j.c
Nis gjyqi për ushtarin rus, akuzohet për përdhunimin e
Foto ilustruese

UKRAINË- Autoritetet ukrainase do të mbajnë një seancë paraprake në gjyqin e parë të një ushtari rus të akuzuar për përdhunim. I dyshuari, Mikhail Romanov, 32 vjeç, akuzohet për përdhunimin e një gruaje 33-vjeçare pasi ai dhe një ushtar tjetër rus qëlluan burrin e saj në fshatin Bohdanivka, në verilindje të Kievit, më 9 mars.

Sipas Sky News, Romanov nuk është në paraburgim ukrainas ndërkohë që do të gjykohet në mungesë. Nuk është e qartë se çfarë lloj përfaqësimi ligjor do të ketë Romanov në gjyqin, i cili do të mbahet me dyer të mbyllura. Një zëdhënës i Prokurorisë së Përgjithshme tha se prokurori mund të komentojë publikisht për gjykimin pas seancës së sotme.

Në fillim të këtij muaji, kryeprokurorja e Ukrainës Iryna Venediktova tha se më shumë se 15,000 krime të dyshuara lufte ishin raportuar në Ukrainë që nga fillimi i pushtimit rus. Venediktova tha se më shumë se 500 të dyshuar ishin identifikuar, të cilët përfshijnë ministra, komandantë ushtarakë dhe propagandues rusë.

mikhail romanov

Sondazh

Poll

MË SHUMË