Politike

"Ndaluni dhe reflektoni", Rama-Perëndimit: A e ka në dorë Putini në Gjykatën e Hagës?

Duke iu referuar një pasazhi ku thuhet se “lufta e Rusisë i hapi sytë Europës”, Rama tha se kjo vlen tej mase për të zbardhur sipas tij rolin që Moska zyrtare luan në Gjykatën Ndërkombëtare të Hagës.

20 Qershor 2022, 20:22 Nga d.a

PRISHTINË- Kryeministri Edi Rama ka ndërmarrë zotime të mëdha në Kosovë, duke hedhur hije dyshimi edhe mbi Gjykatën e Hagës. Teksa mori pjesë në prezantimin e librit ‘Përplasja e Madhe’ të nënkryetarit të Kosovës, Enver Hoxhajt, Rama ua tha në sy zyrtarëve të Kosovës se vendi ynë do të reagojë jo vetëm me fjalë, por edhe me veprime konkrete konkrete.

Në fjalën e tij, Rama u shpreh se pas miratimit të një resolute në Kuvendin e Shqipërisë, më pas do të shkojë në Këshillin e Europës për të vërtetuar se akuzat e ngritura në raportin e Dick Martyn nuk janë të vërteta. Sipas tij, ish-krerët e UÇK-së nuk janë marrë me trafik organesh njerëzore, e për pasojë KiE duhet të distancohet. Madje ngriti edhe hije dyshimi mbi institucionet e drejtësisë.

“Për të vazhduara te një element tjetër që është shumë i vlefshëm për ne për të kuptuar edhe gjyqin e Hashim Thaçi dhe udhëheqësve të tjerë që në këndvështrimin tonë shumë personal është një arsye shumë e fortë për Perëndimin që të ndalet dhe të reflektojë për çfarë ka bërë me atë gjykatë dhe a është ajo gjykatë nën dorën e Putinit dhe të Moskës?”, tha Rama.

Kreu i qeverisë shqiptare u shpreh se aleatët perëndimorë, të cilët kanë ushtruar presion për ngritjen e Gjykatës Speciale në Hagë, duhet të reflektojnë se kjo gjykatë është një grackë e Rusisë. Ndërsa nuk la pa përmendur edhe Vladimir Putin.

Teksa fliste, Rama ceku edhe tema të tjera. Ai mohoi lajmin se ka mercenarë shqiptarë të vrarë që luftojnë në Ukrainë. Duke mohuar kështu listën e publikuar nga ana e ambasadës ruse. Një fjalë e mbajti edhe Ali Ahmeti, i cili në fjalën e tij, tha se ka vetëm dy rrugë për Kosovën dhe Serbinë, marrëveshje ose luftë. Ndërkohë që nuk munguan edhe batutat për të ftuarit specialë. Mes tyre, Memli Krasniqi, kreu i Partisë Demokratike të Kosovës.

edi rama ne kosove

Sondazh

Poll

MË SHUMË