Politike

VD-Bardhi në prokurori për Xhuvanin, Berisha: Hetime të njëanshme, pse s’u thirr Balla?

Autor i kryesor politik i ngjarjes, sipas Berishës, është Balla. 

20 Qershor 2022, 13:42 Nga F.M
VD-Bardhi në prokurori për Xhuvanin, Berisha: Hetime të
Sali Berisha

TIRANË- Kryedemokrati Sali Berisha nuk e ka konsideruar të drejtë marrjen në pyetje të deputetit të Partisë Demokratike Gazment Bardhi në lidhje me vrasjen e Pjerin Xhuvanit, ngjarje e ndodhur katër ditë para zgjedhjeve të 25 prillit. Në një konferencë për mediat, Berisha tha se ai e ka akuzuar Bardhin si të përfshirë, por që nëse Prokuroria donte të bënte detyrën, duhet të merrte në pyetje edhe Taulant Balla, kreu i grupit parlamentar të Partisë Socialiste. Autor i kryesor politik i ngjarjes, sipas Berishës, është Balla. 

Pjesë nga konferenca:

Pyetje: Ju keni denoncuar ngjarjen e Elbasanit që ndodhi pak ditë para zgjedhjeve të 25 prillit. Pas disa denoncimeve policia shkoi sërish në vendin e ngjarjes dhe riprodhoi edhe njëherë skenën. Ndërkohë sot në media ka qarkulluar në media që zoti Bardhi do të thirret në Prokurori në lidhje me këtë ngjarje. Keni një koment?

Sali Berisha: Komenti i vetëm është se autor kryesor politik i ngjarjes është Taulant Balla. Dhe kjo është shumë evidente. Unë në Parlament jam shprehur që të dy ata janë përgjegjës politikë për ngjarjen, por të thërrasësh Gaz Bardhin pa thirrur Taulant Ballën, nuk bën asgjë tjetër veçse provon SKAP-in e partisë. Sepse Taulant Balla nxori njerëzit me karta dhe lista votimi, duke shpërndarë para. Unë nuk jam për hetime të njëanshme, por për hetime të vërteta dhe nuk mund të pranoj hetimin e njëanshëm, s’mund të jetë njëri mbi ligjin dhe tjetri nën ligjin. Ku shkoi Alfred Shehaj, ju lutem? Prokurori që mashtroi qytetarët në mënyrën më të paskrupullt se nuk kishte materiale zgjedhore në makinë dhe që pas dy ditësh u detyruan ta kthejnë variantin, a është në SPAK sot ai? Si mund t’i besohet SPAK-ut? Unë në Parlament kam kërkuar hetimin e të dyve. Të dy. Nuk është se s’ka patur ombrellë politike aty, nuk mund ta mohojmë.

Deputeti i Partisë Demokratike, Gazment Bardhi është thirrur në prokurori për tu marrë në pyetje në lidhje me ngjarjet që paraprinë vrasjen e Pjerin Xhuvanit në fushatën elektorale për zgjedhjet e 25 prillit 2021. Hetimi tashmë përfshin edhe Bardhin. Deputeti Gazment Bardhi asokohe ishte kryesuesi i listës së Elbasanit dhe sekretar i Përgjithshëm i Partisë Demokratike në kohën që drejtohej nga Basha. Kryetari i PD, Sali Berisha e akuzon prej javësh Bardhin dhe Bashën se kanë gisht në vrasjen e Xhuvanit në Elbasan. Bashkë me të përmend edhe Ballën.

sali berisha gazment bardhi

Sondazh

Poll

MË SHUMË