Bota

Shefi i ushtrisë britanike, mesazh trupave: Të përgatitemi për luftë në Europë

Gjenerali Adrian Bradshaw i bëri komentet pasi gjenerali Patrick Sanders, kreu i ri i ushtrisë, u tha ushtarëve britanikë se ata janë një brez që duhet të përgatitet "për të luftuar edhe një herë në Europë" ndërkohë që konflikti në Ukrainë vazhdon.

20 Qershor 2022, 10:48 Nga j.c

Shefi i ushtrisë britanike, mesazh trupave: Të përgatitemi

Foto ilustruese

MBRETËRIA E BASHKUAR- Shefi i ri i ushtrisë britanike paralajmëron për luftë. Gjenerali Sir Patrick Sanders tha në fjalimin e parë para trupave britanike, se ushtria duhet të jetë gati për të luftuar sërish në Evropë ndërsa aludoi për një vizion britanik në fushën e betejës.

Invazioni i Ukrainës nga Rusia thekson synimin tonë bazë për të mbrojtur Mbretërinë e Bashkuar duke qenë të gatshëm te luftojmë dhr fitojmë në tokë. Tashmë kemi një imperativ akut për të krijuar një ushtri të aftë të luftojë krah aleatëve tanë dhe të nundë Rusinë në betejë.

Sanders foli me tone dramatike kur tha se “shefi i parë i Shtabit që nga 1941 që merr komandën e Ushtrisë në hijen e një lufte tokësore në Europë që përfshin një fuqi të madhe kontinentale".

Ky koment u pasua nga një përgjigje e ish-shefit të Forcave speciale, i cili e pranoi këtë fakt. Adrian Bradshaw tha se Britania duhet të përgatitet. Sipas Sky News, duke folur për programin Today të BBC Radio 4, Adrian Bradshaë tha se ai ka të drejtë pasi duhet të përgatitemi për një luftë të mundshme.

Po, ai ka absolutisht të drejtë. Çështja është se, duke u përgatitur për luftën siç duhet, duke ndërtuar një parandalim vërtet të fortë, ne do të ndalojmë luftën. E dini, Putin na ka treguar se është i përgatitur të marrë rrezikun e përfshirjes në luftë të hapur në Evropë. Ai po e bën këtë në Ukrainë, me pasoja të tmerrshme, të tmerrshme. Ajo që duhet të sigurojmë absolutisht është që ai të mos shohë një rrugë, një mundësi për të nisur diçka kundër NATO-s në avantazhin e tij. Ne nuk duhet t'ia japim atij atë hapje, dhe ajo që po thotë gjenerali Saunders është diçka që është thënë nga komandantët ushtarakë për një mijë vjet nëse doni paqe, përgatituni për luftë.

Lufta në Ukrainë sot ka hyrë në ditën e 117. Trupat ruse vazhdojnë sulmojnë ukrainën, dhjetra civilë dhe ushtarë vdesin nga këto sulme. Ndërkohë janë identifikuar 2000 municione të përdorura nga forcat ruse në Ukrainë.

lufta ukraine-rusi sir patrick sanders adrian bradshaw