Bota

Garda në gatishmëri! Çfarë po ndodh në Kosovë para takimit Rama-Kurti

Pritja dhe mbledhja do të mbahen në një hotel në kryeqytet, ku delegacioni i Qeverisë shqiptare pritet të arrijë aty në orën 10:45, derisa në orën 11:00 është planifikuar pritja e kryeministrit Edi Rama nga kryeministri Albin Kurti.

20 Qershor 2022, 10:28 Nga F.M

Garda në gatishmëri! Çfarë po ndodh në Kosovë

Garda në Kosovë

KOSOVË- Kosova ka nisur përgatitjet për mbledhjen mes dy qeverive, asaj të Shqipërisë dhe të Kosovës. Sipas axhendës së publikuar, kryeministri i Shqipërisë Edi Rama dhe Albin Kurti, pas përfundimit të mbledhjes së dy qeverive, Rama merr pjesë edhe në promovimin e librit “Përplasja e madhe” të nënkryetarit të Kuvendit të Kosovës, Enver Hoxhaj, ish-ministër i jashtëm.

Gjithçka është bërë gati për pritjen e kryeministrit të Shqipërisë, Edi Rama, sot në Prishtinë. Pritja dhe mbledhja do të mbahen në një hotel në kryeqytet, ku delegacioni i Qeverisë shqiptare pritet të arrijë aty në orën 10:45, derisa në orën 11:00 është planifikuar pritja e kryeministrit Edi Rama nga kryeministri Albin Kurti. Mbledhja e dy qeverive do të fillojë në orën 11:15, ndërsa më pas është planifikuar një konferencë për shtyp.

Vizita e kryeministrit të Shqipërisë nisi dje. I shoqëruar me disa ministra të kabinetit të tij ai vizitoi familjen e ish-presidentit të Kosovës, Hashim Thaçi, dhe dy nga fabrikat eksportuese më të mëdha kosovare të Devolli Corporation – M&Sillosi në Xërxë të Rahovecit dhe Comodita në Gjakovë.

edi rama albin kurti mbledhja shqiperi-kosove