Bota

Konfirmohet rasti i parë i lisë së majmunit në Serbi, sa ishte kthyer nga Gjermania

Rasti është diagnostikuar dhe trajtuar sipas procedurës, thuhet në deklaratë, duke shtuar se diagnostifikimi laboratorik është kryer në Institutin e Virologjisë, Vaksinave dhe Serumeve.

17 Qershor 2022, 15:05 Nga d.a
Konfirmohet rasti i parë i lisë së majmunit në Serbi, sa
Lija e majmunit

SERBI- Është konfirmuar rasti i parë i ardhur nga jashtë i lisë së majmunit në Serbi nga Instituti i Shëndetit Publik “Dr Milan Jovanović Batut”.

Sipas mediave vendase, rasti është diagnostikuar dhe trajtuar sipas procedurës, thuhet në deklaratë, duke shtuar se diagnostifikimi laboratorik është kryer në Institutin e Virologjisë, Vaksinave dhe Serumeve.

"Ai kishte zgjebe në trup, erdhi nga Gjermania dhe më pas u konfirmua zyrtarisht në Torlak se ai kishte linë e majmunit"- tha burimi.

Në përputhje me Rregulloret dhe Protokollet Ndërkombëtare të Shëndetësisë, rasti i parë i konfirmuar u raportua në institucionet ndërkombëtare shëndetësore.

Institucioni u bën apel qytetarëve që për ruajtjen e shëndetit të zbatojnë të gjitha masat parandaluese dhe të respektojnë rekomandimet e institucioneve shëndetësore.

Virusi, i cili gjendet zakonisht në Afrikën qendrore dhe perëndimore, tani gjendet dhe në Evropë, në Australi, Lindjen e Mesme, Amerikën e Veriut dhe Amerikën e Jugut dhe janë raportuar më shumë se 1600 raste. Qarkullimi i virusit, i cili transmetohet kryesisht përmes kontaktit të zgjatur, megjithatë nuk duhet të çojë në anulimin e ngjarjeve publike të planifikuara për këtë verë, sipas zyrtarit të OBSH-së.

lija e majmunit rasti i pare ne serbi

Sondazh

Poll

MË SHUMË