Bota

ITALI/ Mashtroi për rrëmbimin, nëna e 5-vjeçares: E vrava unë

23-vjeçarja, pas “presionit të ushtruar gjatë marrjes në pyetje” nga hetuesit ka rrëfyer para karabinierëve dhe avokatit se ishte ajo që kishte vrarë vajzën e saj

14 Qershor 2022, 14:12 Nga A.B

ITALI/ Mashtroi për rrëmbimin, nëna e 5-vjeçares: E vrava

Elena

ITALI- Elena Del Pozzo, 5-vjeçarja e cila u zhduk një ditë më parë në Tremestieri etneo (Catania) është vrarë nga nëna e saj, Martina Patti.

23-vjeçarja, pas “presionit të ushtruar gjatë marrjes në pyetje” nga hetuesit ka rrëfyer para karabinierëve dhe avokatit se ishte ajo që kishte vrarë vajzën e saj, mirëpo mashtroi për rrëmbimin, për të mbuluar vrasjen.

Karabinierët e Katanias gjetën trupin e vogëlushes në një tokë bujqësore disa qindra metra larg shtëpisë ku jetonte gruaja me ish-partnerin, babain e fëmijës, Alessandro Nicodemo Del Pozzo. Çifti kishte kohë që ishte ndarë.

Burri u arrestua për grabitje në vitin 2020, por më vonë u shpall i pafajshëm. Pas lajmit, ai shkoi me lot në sy në vendin ku u gjet kufoma, e cila u varros pjesërisht, në një tokë 400 metra larg shtëpisë ku jetonte çifti.

Historia e rrëmbimit

Në fillim gruaja denoncoi se i kishin rrëmbyer vajzën. Sipas saj, ngjarja ndodhi pranë kopshtit të vogëlushes, aty ku tre persona me kapuç, njëri prej të cilëve ishte i armatosur i morën të voglën. Pas një nate pyetjesh të familjarëve dhe të njohurve, mëngjesin e sotëm hetuesit shkuan në vendin ku ndodhej kufoma e vajzës, në një tokë në via Turati, në Mascalucia, në provincën e Katanias.

itali nena vret vajzen ne itali elena del pozzo martina patti