Bota

Grabitja e shekullit në Meksikë! Grupi vidhte flori dhe para, përdornin vinça dhe kamionë

Gustavo Adrian Hoya tha se grupi i grabitësve përdori më pas vinça dhe kamionë për gati tetë deri në dhjetë orë për të zbrazur kontejnerët me para dhe arë.

14 Qershor 2022, 10:04 Nga j.c
Grabitja e shekullit në Meksikë! Grupi vidhte flori dhe para,
Foto ilustruese

MEKSIKË- Njëzet kontejnerë, disa me ar dhe para, u vodhën në portin perëndimor të Meksikës, Mansanygio. Operacioni, i quajtur “grabitja e shekullit” u zhvillua më 5 qershor në një zonë private të portit kryesor tregtar të Meksikës në bregdetin e Paqësorit, por asgjë nuk dihej derisa zyrtarët dolën në deklaratë dy ditë më parë.

Sipas Proto Thema, autoritetet kanë konfirmuar se 20 kontejnerë mallrash me ar, argjend dhe pajisje elektronike janë zhdukur pa lënë gjurmë, pas thyerjes së një komando të armatosur në një kompani transporti. Gustavo Adrian Hoya, zëdhënës i sigurisë për shtetin portual të Colima, ku ndodhet porti tha se grupi i grabitësve përdori më pas vinça dhe kamionë për gati tetë deri në dhjetë orë për të zbrazur kontejnerët me para dhe ar.

"Ata ishin shumë selektivë për llojin e mallrave që vodhën: metale të çmuara dhe gjëra të tjera, si kondicionerët. Kjo është e vërtetë. Ne kemi parë sërish vjedhje sporadike të kontejnerëve, por jo në sasi të tilla,"-tha zëdhënësi.

Kreu i doganave meksikane, Horacio Duarte Olivares njoftoi filliimin e hetimit dhe u shpreh se ky është një operacion shumë i rëndë i krimit të organizuar. Olivares theksoi se vjedhja ka ndodhur në një zonë private të portit. Edhe prokuroria njoftoi nisjen e një hetimi, por nuk pranoi të japë detaje për sasinë e arit dhe paratë e vjedhura.

gustavo adrian hoya

Sondazh

Poll

MË SHUMË