Bota

“U habita kur e ripashë”, 101-vjeçares holandeze i kthehet një pikturë e vjedhur nga nazistët

Portreti i vitit 1683 nga piktori holandez Caspar Netcher, veprat e të cilit gjenden në Galerinë Kombëtare në Londër, u var në shtëpinë e saj atërore në Arnhem dhe ishte tepër e veçantë për babain e saj, Hendrik Schmid van Helder, një mjek i qytet, i cili u detyrua të fshihej kur nuk pranoi të merrte urdhra nga nazistët.

13 Qershor 2022, 14:18 Nga d.a

“U habita kur e ripashë”, 101-vjeçares holandeze i

HOLANDË- Shpresa vdes e fundit thuhet dhe kjo sigurisht është e vërtetë në rastin e Charlotte Bischoff van Hemskerk, e cila, edhe pse në moshën 101-vjeçare, u ribashkua me një pikture që kishte një vlerë të veçantë emocionale për të.

Sipas CNN Greece, portreti i vitit 1683 nga piktori holandez Caspar Netcher, veprat e të cilit gjenden në Galerinë Kombëtare në Londër, u var në shtëpinë e saj atërore në Arnhem dhe ishte tepër e veçantë për babain e saj, Hendrik Schmid van Helder, një mjek i qytet, i cili u detyrua të fshihej kur nuk pranoi të merrte urdhra nga nazistët.

Pas pushtimit gjerman të Holandës në vitin 1940, ai e mbajti pikturën në një bankë në Arnhem, duke besuar se atje do të ishte e sigurt. Por nazistët hynë në thesar dhe e morën atë, në mes të plaçkitjeve dhe shkatërrimeve të përhapura.

Në kaosin e luftës, piktura u zhduk, por Komisioni për Artin e Grabitur në Evropë zbuloi se ai ishte rishfaqur në një galeri në Dyseldorf në vitet 1950. Në vitin 1969 ajo u shit në ankand në Amsterdam dhe në 1971 një koleksionist privat në Gjermani e bleu pikturën. Pas negociatave me këtë të fundit, piktura iu kthye Charlotte Bischoff van Hemskerk vitin e kaluar.

“Isha e habitur. Ai do të ishte shumë i lumtur që ajo u kthye”, tha ajo teksa shikonte sërish pikturën dhe duke iu referuar babait të saj, i cili vdiq në vitin 1969.

Pasi e mbajti pikturën për gjashtë muaj, ajo vendosi ta shiste në ankandin e Sotheby më 6 korrik. Shtëpia e ankandeve vlerësoi se çmimi i tij do të arrijë në 30-50,000 paund.

charlotte bischoff van hemskerk

Sondazh

Poll

MË SHUMË