Bota

Britania i kërkon BE-së të ndryshojë rregullat tregtare për Irlandën e Veriut pas Brexit

Sekretarja e Jashtme britanike Liz Truss i tha zëvendëspresidentit të Komisionit Evropian Maros Sefçoviç të hënën se blloku evropian duhet të jetë i gatshëm të ndryshojë rregullat pas Brexit që rregullojnë tregtinë me Irlandën e Veriut, duke përsëritur se Londra është duke negociuar për një zgjidhje.

13 Qershor 2022, 14:10 Nga d.a
Britania i kërkon BE-së të ndryshojë rregullat tregtare
Liz Truss

BRITANI- Një zgjidhje e re për rregullat që do të zgjidhin tregtinë midis BE-së dhe Irlandës së Veriut po kërkohet nga ana e Britanisë në epokën pas Brexit.

Sekretarja e Jashtme britanike Liz Truss i tha zëvendëspresidentit të Komisionit Evropian Maros Sefçoviç të hënën se blloku evropian duhet të jetë i gatshëm të ndryshojë rregullat pas Brexit që rregullojnë tregtinë me Irlandën e Veriut, duke përsëritur se Londra është duke negociuar për një zgjidhje.

“Kam folur me nënpresidentin e Komisionit Evropian Maros Sefçoviç për të diskutuar legjislacionin që po shpallim sot për të zgjidhur çështjet me Protokollin e Irlandës së Veriut dhe për të rivendosur stabilitetin politik. Ne preferojmë një zgjidhje të negociuar, por BE duhet të jetë e gatshme të ndryshojë Protokollin”, tha Truss në një postim në Twitter.

Në të njëjtën kohë, synimi i qeverisë britanike për të ndryshuar në mënyrë të njëanshme Protokollin e Irlandës së Veriut, i cili rregullon çështjet tregtare midis Britanisë dhe BE-së pas Brexit-it, po shkakton tension në shumë nivele.

Përveç BE-së, e cila e ka bërë të qartë se një lëvizje e tillë nuk mund të pranohet, synimi i Londrës për të ndryshuar Protokollin kundërshtohet nga Sinn Fein dhe në shumë aspekte, brenda Britanisë, por edhe përtej Atlantikut, flitet se kjo është një shkelje e ligjit ndërkombëtar dhe se vendi po humbet besueshmërinë e tij përballë partnerëve dhe aleatëve.

Kreu i partisë së Sinn Fein, i cili doli si partia e parë në Irlandën e Veriut, në një fitore historike për partinë pro-Bashkimit të Republikës së Irlandës, Mary Lou MacDonald, tha se kishte mekanizma për të përmirësuar zbatimin e Protokollit përmes bashkëpunimit Dublin dhe Bruksel.

"Këtu ekziston një vullnet për të punuar me Komisionin Evropian, por qeveria britanike refuzon të përfshihet. Kjo nuk është konstruktive, ka ndjekur një rrugë katastrofike dhe tani po propozon futjen e legjislacionit, i cili, pa dyshim, do të shkelë ligjin ndërkombëtar," tha ajo.

Qeveria mohon që iniciativa e saj shkel të drejtën ndërkombëtare, por shmang shpjegimin se ku e mbështet vlerësimin e saj, pasi po ndryshon në mënyrë të njëanshme një nga marrëveshjet më të vështira të arritura me Brukselin gjatë procesit të finalizimit të Brexit. Londra pretendon se zbatimi i Protokollit ka dëmtuar tregtinë brenda Mbretërisë së Bashkuar dhe po kërcënon stabilitetin politik në Irlandën e Veriut.

liz truss marreveshja brexit

Sondazh

Poll

MË SHUMË