Bota

LUFTA E MADHE- Operacionet në lumenj do përcaktojnë "rrjedhën" e luftës

Inteligjenca britanike sot ka deklaruar se operacionet e kalimit të lumenjve do përcaktojnë rrjedhën e luftës

13 Qershor 2022, 13:48 Nga d.d
LUFTA E MADHE- Operacionet në lumenj do përcaktojnë
Foto ilustruese

UKRAINË-Lufta në Ukrainë sot ka hyrë në ditën e 110. Inteligjenca britanike sot ka deklaruar se operacionet e kalimit të lumenjve do përcaktojnë rrjedhën e luftës. Forcat e Moskës kanë shkatërruar urën që lidh dy qytetet në lindje të Ukrainës.

Sipas The Guardian, Rusia ka ‘goditur’ Sievierodonetsk ndërsa frika është rritur për civilët. Gjermania ka refuzuar të konfirmojë nëse kancelari gjerman Olaf Scholz, do të udhëtojë në Kiev me homologët francezë dhe italianë. 

Ngjarjet më të fundit nga lufta

-Operacionet e kalimit të lumit ka të ngjarë të përcaktojnë rrjedhën e luftës, thotë Ministria e Mbrojtjes e Mbretërisë së Bashkuar. Gjatë muajve të ardhshëm, operacionet e kalimit të lumenjve ka të ngjarë të jenë ndër faktorët më të rëndësishëm përcaktues në rrjedhën e luftës.

-SHBA ka njoftuar se do të bojkotojë Forumin Ndërkombëtar të Shën Petersburgut që do të zhvillohet në Rusi në fund të këtij muaji. 

-Ushtria ruse ka ngritur një tjetër spital për shkak të viktimave të mëdha. Raporton Kyiv Independent. Ushtria ruse po ngre një spital shtesë në fshatin Shebekino në Belgorod Oblast të Rusisë, sipas shtabit të përgjithshëm të Forcave të Armatosura të Ukrainës.

-Ukraina mbetet nën kontrollin e fabrikës kimike Azot në Sievierodonetsk, ku qindra civilë janë strehuar, tha të shtunën guvernatori i rajonit, pasi një separatist i mbështetur nga Rusia pretendoi se 300 deri në 400 luftëtarë ukrainas ishin gjithashtu të bllokuar atje. 

-Një komision i Kombeve të Bashkuara ka mbërritur në Ukrainë të shtunën për të hetuar krimet e luftës. Nënkryetarja e parlamentit të Ukrainës Olena Kondratyuk tha se qëllimi i komisionit është të regjistrojë krimet e luftës dhe shkeljet e të drejtave të njeriut.

-Përafërsisht 10,000 ushtarë ukrainas janë vrarë që nga pushtimi rus i vendit në shkurt, sipas një këshilltari ushtarak të presidentit ukrainas Volodymyr Zelenskyy.

-Agjencia Evropiane e Rojës Kufitare dhe Bregdetare, ka njoftuar se 2.5 milionë ukrainas janë kthyer në vendin e tyre që nga fillimi i luftës në shkurt. Agjencia tha gjithashtu se 5.5 milionë ukrainas kanë ikur në BE që nga fillimi i luftës.

 

lufta ukrain-rusi olaf scholz

Sondazh

Poll

MË SHUMË