Aktualitet

Anti-mafia "godet" ish-kreun e Kushtetueses/ Gjykata e Posaçme: Dedja do të gjykohet në themel për 1 apartament

Kërkesa është dorëzuar në GJKKO në bazë të ligjit antimafia.

10 Qershor 2022, 11:21 Nga f.g

Anti-mafia "godet" ish-kreun e Kushtetueses/ Gjykata e Posaçme:

TIRANE- Prokuroria e Posaçme (SPAK) kërkon të vendosë sekuestron për një apartament në pronësi të ish-kreut të Gjykatës Kushtetuese, Bashkim Dedja. Burime për Dosja.al bëjnë me dije se apartamenti në fjalë është në emër të vëllait të ish-kreut të Kushtetueses, ndërsa kërkesa është dorëzuar në GJKKO në bazë të ligjit antimafia. 

Më 10 maj 2022, Gjykata e Posaçme kaloi për gjykim çështjen ndaj ish-kryetarit të Gjykatës Kushtetuese Bashkim Dedja. Ai akuzohet për mosdeklarim dhe fshehje pasurie. Gjyqtari Erjon Bani e pranoi kërkesën e SPAK dhe kaloi për gjykim në themeli dosjen penale ndaj ish-zyrtarit të lartë të drejtësisë.

Bani tha gjatë se për dy apartamente në pronësi të Dedjas dhe një garazh SPAK nuk ka siguruar prova kundër Dedjas, ndërsa për apartamentin në fjalë, ish-gjyqtari duhet ti nënshtrohet gjykimit në themel. 

Hetimi për Dedjan nisi në maj të vitit 2020 me dyshimin se kishte fshehur pasurinë. Pas hetimit rezultoi se Dedja kishte në pronësi prona dhe pasuri të patundshme që nuk i justifikonte si dhe i kishte vendosur në emër të familjarëve të tij. Bashkim Dedja u caktua si pjesë e Gjykatës Kushtetuese në vitin 2010, ndërsa në vitin 2013 mori drejtimin e Kushtetueses, post  që e mbajti deri në vitin 2018, kur u shkarkua nga detyra pasi nuk kaloi dot shkallët e Vettingut. Ishte KPA, (Kolegjit i Posaçëm i Apelimit), që vendosi shkarkimin përfundimtar të tij nga detyra.

bashkim dedja ligji antimafia spak

Sondazh

Poll

MË SHUMË