Aktualitet

Lirohen nga burgu vartësit e ish-drejtorit të RTSH, Thoma Gëllçi

Kërkesa u shqyrtua nga gjyqtari Erjon Çela, i cili vendosi ta marrë parasysh.

10 Qershor 2022, 10:59 Nga F.M
Lirohen nga burgu vartësit e ish-drejtorit të RTSH, Thoma
Thoma Gëllçi

TIRANË- Vartësit e ish-drejtorit të RTSH-së, Thoma Gëllçi janë liruar nga burgu. Vendimi është marrë nga Gjykata, pasi u dha dënimi për Gëllçin. Bëhet fjalë për Julian Tapian e Ervin Murjan, të cilët përmes avokatëve të tyre mbrojtës të tyre i janë drejtuar gjykatës me kërkesë për shuarje të masës së sigurisë. Duke llogaritur paraburgimin, ata e kanë përfunduar dënimin. Kërkesa u shqyrtua nga gjyqtari Erjon Çela, i cili vendosi ta marrë parasysh.

Dy anëtarët e Komisionit të Vlerësimit të Ofertave, Julian Tapia, Ervin Muraj u dënuan me nga 1 vit burg secili, për akuzën e “Shkeljes se barazisë në tendera”. Ish-drejtori i Radio Televizionit Shqiptar, Thoma Gëllçi është dënuar nga Gjykata e Posaçme Kundër Korrupsionit dhe Krimit të Organizuar, GJKKO, me 1 vit e 4 muaj burg. Ai është shpallur fajtor për abuzim me tenderin për "RTSH Agro". GJKKO i ka hequr Gëllçit të drejtën për të ushtruar funksione publike për 5 vite.

thoma gellci

Sondazh

Poll

MË SHUMË