Aktualitet

VD-'Range Rover' përplas policët në Durrës, pasagjeri prangoset, në kërkim shoferi, rëndë një nga efektivët

Në momentin që ka parë sinjalin nga policia, Hysen Pici, pasagjer në mjet, i frikësuar se kishte armë në brez ka dalë nga mjeti dhe ka ikur me vrap. Ndërsa drejtuesi i mjetit ka rritur shpejtësinë dhe ka përplasur efektivë.

10 Qershor 2022, 08:21 Nga F.M
VD-'Range Rover' përplas policët në Durrës,
Efektiët ndjekin të rinjtë

DURRËS- Dy efektivë policie të një patrulle u përplasën nga një mjet i llojit “Range Rover” në momentin që drejtuesit të këtij të fundit iu bë shenjë që të ndalonte. Ngjarja e rëndë ndodhi në Durrës një natë më parë, rreth orës 22:40, në lagjen nr.1 të qytetit bregdetar. Dosja.al zbardhi dinamikën e plotë të ngjarjes së rëndë që erdhi pasi efektivët tentuan të ndalonin e kontrollonin dy të rinjtë që udhëtonin me “Range Rover”.

Në momentin që ka parë sinjalin nga policia, Hysen Pici, pasagjer në mjet, i frikësuar se kishte armë në brez ka dalë nga mjeti dhe ka ikur me vrap. Në moment që po ndiqej prej tyre, në ndihmë i ka ardhur shoku i tij, shoferi i mjetit luksoz, identiteti i të cilit ende nuk dihet, duke i dhënë makinës gaz në kundravajtje e duke përplasur dy efektivët. Për pasojë, njëri prej tyre, me inicialet G.M., është në gjendje të rëndë për jetën dhe i shtruar në spital.

Ndërsa Pici është futur nëpër rrugët e qytetit, duke hedhur edhe armën e zjarrit, e cila është gjetur gjatë ndjekjes që po i bënin kolegët e efektivëve që mbetën të plagosur. Arma është gjetur dhe do të dërgohet në laborator për të parë nëse është përdorur për ngjarje kriminale. Deri më tani, Dosja.al ka mësuar se Pici është një i ri nga Shijaku, i cili nuk ka precedentë penalë të mëparshëm, por është ndaluar edhe njëherë tjetër për prosdim të lëndëve narkotike.

Kërkimet për kapjen e shokut të tij vijojnë. Makina tip "Range Rover" është parë duke vijuar rrugën drejt Vilës së Zogut, e më pas është 'zhdukur'.

perplasen policet ne durres policia e durresit hysen pici

Sondazh

Poll

MË SHUMË