Politike

Gentiana Sula rikonfirmohet në krye të "Dosjeve", rrëzohet Mirakaj

Kandidatura e Simon Mirakajt, emër i propozuar nga ish-kryeministri Sali Berisha e që hapi mjaft debat u rrëzua.

9 Qershor 2022, 20:23 Nga F.M
Gentiana Sula rikonfirmohet në krye të "Dosjeve",
Kuvendi

TIRANË- Kuvendi i Shqipërisë ka rikonfirmuar për një mandat tjetër, Gentiana Sulën në krye të Autoritetit për Informimin mbi dokumentet e ish sigurimit të Shtetit. Me 105 vota pro, 1 kundër dhe 1 abstenim, Sula mori ‘OK’-n e Kuvendit të Shqipërisë për të dytën herë. Për pesë vite të tjera, ajo do të drejtojë Autoritetin e Dosjeve. Për rrjedhojë, kandidatura e Simon Mirakajt, emër i propozuar nga ish-kryeministri Sali Berisha e që hapi mjaft debat u rrëzua.

Komisioni i Ligjeve ka miratuar disa ditë më parë kandidaturat për anëtarë të Autoritetit për të Drejtën e Informimit mbi Dokumentet e ish-Sigurimit të Shtetit. Me shumicë votash, kandidatët që i kaluan Kuvendit për votim ishin: Altin Hoxha, Gentian Sula, Simon Miraka, Albert Nikolla. Ndërkohë që Ligjet rrëzuan kandidaturat e Marcel Hilës, Besim Ndregjonit, Gjergj Markut, Skënder Vrionit. Propozimi me firmën e Sali Berishës ishte Simon Mirakaj mirëpo u përcoll me shumë debate, por megjithatë kaloi 'filtrin' e Komisionit. Bardhi akuzoi maxhorancën se ishte bkrë me Berishën, pasi Mirakaj ishte kandidaturë e tij.

Gentiana Sula përfaqëson Shqipërinë në Rrjetin Evropian të Kujtesës dhe Solidaritetit në statusin e vëzhgueses, për një mandat 5-vjeçar. Ndërkohë, dy kandidatët e tjerë sot siguruan më pak vota, ku përkatësisht për kandidatin Altin Hoxha kanë votuar 80 deputetë pro, 2 kundër dhe 1 abstenim, ndërsa për kandidatin Marçel Hila kanë votuar pro 18 deputetë, 68 kundër dhe asnjë abstenim.

 

seance plenare 9 qershor 2022 gentiana sula simon mirakaj

Sondazh

Poll

MË SHUMË