Politike

Katër ‘presidentët’ bashkë, mesazhi i Begaj: Akush nuk është i përjetshëm, e kam nder të marr këshilla nga ju

Në takimin e tyre Begaj është shprehur se duhen mbajtur parasysh mësimet e vyera të atyre që kanë qenë më parë në Presidencë.

9 Qershor 2022, 19:58 Nga d.a
Katër ‘presidentët’ bashkë, mesazhi i Begaj: Akush
Moisiu,Mejdani,Topi dhe Begaj

TIRANË-Presidenti i ri Bajram Begaj ka zhvilluar një takim ditën e sotme me paraardhësit e tij Rexhep Meidani, Alfred Moisiu dhe Flamur Topi.

Në takimin e tyre Begaj është shprehur se duhen mbajtur parasysh mësimet e vyera të atyre që kanë qenë më parë në Presidencë.

“Unë dëshiroj që kështu, së bashku, të kuvendojmë vëllazërisht për punët dhe sfidat e atdheut tonë. Koha kalon shpejt, askush nuk është i përjetshëm dhe asnjë detyrë shtetërore nuk është e pafundme. Por mësimet e vyera të atyre që kanë kaluar më parë nga rruga jonë duhen mbajtur parasysh sa më mirë dhe kur ke fatin që t’i kesh pranë ata, atëherë mund të gabosh më pak. Eshtë një nder i madh për mua që të kem këshilltarë të tillë.”-ka thënë Begaj.

Begaj i ka cilësuar të tre ishkrerët e shtetit si këshilltarë për të cilët ndjehet i nderuar që i ka pranë, në mënyrë që sipas tij të gabojë sa më pak kur të marrë zyrtarisht funksionet.

Nga ky takim, i vetmi që mbeti i përjashtuar është kryetari aktual i Partisë Demokratike, Sali Berisha, presidenti i parë pas rënies së regjimit.

Bajram Begaj u zgjodh president i Shqipërisë me 78 vota të deputetëve të Kuvendit. Ai është presidenti i tretë i Shqipërisë, pas ish-president Alfred Moisiut dhe të ndjerit Bujar Nishani që vjen nga karriera ushtarake. Begaj pritet që të marrë zyrtarisht detyrën në 24 korrik, kur mbaron edhe mandati 5-vjeçar i Presidentit Ilir Meta.

bajram begaj alfred moisiu flamur topi rexhep mejdani

Sondazh

Poll

MË SHUMË