Politike

Quajti bastardë deputetët e maxhorancës, përjashtohet nga seanca Edmond Spaho

Mësohet se Spahos i është hequr paga e një dite si ndëshkim për ofendimin e bërë.

9 Qershor 2022, 18:09 Nga F.M
Quajti bastardë deputetët e maxhorancës, përjashtohet nga
Edmond Spaho

TIRANË- Deputeti i Partisë Demokratike Edmond Spaho është përjashtuar nga seanca parlamentare ditën e sotme. Vendimi është marrë pasi Spaho i quajti bastardë deputetët e Partisë Socialiste. Mësohet se Spahos i është hequr paga e një dite si ndëshkim për ofendimin e bërë.

Debati mes tyre:

Emond Spaho: Këta marrin vesh vetëm gjuhën e forcës. Nuk ka gjuhë tjetër që shkon me këta bastardë.

Taulant Balla: Fjala e fundit që the. Këtu del përjashta ti sot dhe nuk vjen më. Atë fjalën e fundit bastard zotëria nuk mund të rrijë më në këtë sallë. Të thirret komisioni përkatës. Ose bëhet njëri shembull tani dhe nuk mund të vazhdojmë më. Të vijë një njeri pas shtatë gotave raki dhe të fyejë në këtë farë feje kjo nuk shkon. O e merr ndjesë dhe kërkon ndjesë për fjalën që tha ose zotëria sipas përcaktimeve që ka kodi i etikës. Nuk tolerojmë që të shkojmë në darkë te fëmijët dhe të pyesin fëmijët për këtë fjalë.

Ermonela Felaj: Për replikë nuk jua jap fjalën, kërkoni falje zoti Spaho. Nëse do kërkoni ndjesë. Replikë nuk keni të drejtë të bëni.

Edmond Spaho: Më jep fjalën…

Ermonela Felaj: Teknika ju lutem mikrofonin zotit Spaho.

Edmond Spaho: Nuk keni moral ju të më kërkoni mua të them më fal

 

seance plenare 9 qershor 2022 edmond spaho

Sondazh

Poll

MË SHUMË