Bota

OBSH: Trupat e pavarrosur dhe uji i ndotur shtojnë frikën e shpërthimit të kolerës në Mariupol

Organizata Botërore e Shëndetësisë (OBSH) ka ngritur alarmin për potencialin e një shpërthimi të kolerës në Mariupol dhe ka vendosur paraprakisht vaksinat në Dnipro, por nuk është e qartë se si do të arrinin te banorët.

7 Qershor 2022, 14:45 Nga DOSJA
OBSH: Trupat e pavarrosur dhe uji i ndotur shtojnë frikën e
Mariupol

UKRAINË- Në Mariupol , qyteti port i shkatërruar juglindor i Ukrainës, tani nën pushtimin rus, frika është zhvendosur nga bombardimet e pamëshirshme në përkeqësimin e kushteve sanitare. Derdhja e ujrave të zeza në ujin e pijshëm ka shtuar frikën e shpërthimit të kolerës.

Sipas CNN, këshilltari I kryebashkiakut Petro Andriushchenko tha se zyrtarët rusë tani në kontroll të Mariupolit po konsideronin vendosjen e një karantine në qytet, ku kufomat e dekompozuara dhe mbeturinat po ndotnin ujin e pijshëm, duke i vënë banorët e mbetur në rrezik të kolerës dhe sëmundjeve të tjera.

"Ka bisedime për karantinë. Qyteti po mbyllet në heshtje. Qyteti është kthyer me të vërtetë në një me kufoma kudo. Ata janë grumbulluar. Pushtuesit nuk e përballojnë dot varrosjen e tyre as në varreza masive. Nuk ka kapacitete të mjaftueshme as për këtë,"- tha Andriushchenko.

Organizata Botërore e Shëndetësisë (OBSH) ka ngritur alarmin për potencialin e një shpërthimi të kolerës në Mariupol dhe ka vendosur paraprakisht vaksinat në Dnipro, por nuk është e qartë se si do të arrinin te banorët. Kolera, një infeksion që shkakton diarre akute, lidhet me aksesin e pamjaftueshëm  në ujë të pastër dhe vret dhjetëra mijëra në mbarë botën çdo vit, sipas OBSH-së.

Dorit Nitzan, drejtori i urgjencave të OBSH-së për Europën, i cili vizitoi Ukrainën muajin e kaluar, tha se situata higjienike në Mariupol ishte një rrezik i madh.

Andriushchenko tha se ishte "e vështirë për t'u përcjellë" se sa e zymtë ishte bërë situata në Mariupol, me burimet natyrore të ujit në qytet që po pakësoheshin me ardhjen e muajve të ngrohtë.

"Mund të hyni në qytet me leje qëndrimi në Mariupol. Por kjo është një biletë me një drejtim, sepse nuk mund të largohesh. Nga të gjithë skenarët e mundshëm për të luftuar epideminë, sipas mendimit tonë, Rusia ka zgjedhur, si gjithmonë, atë më cinik, vetëm për të mbyllur njerëzit në qytet dhe lini gjithçka ashtu siç është: Kushdo që mbijeton, mbijeton”-tha ai.

Sondazh

Poll

MË SHUMË