Bota

Përfundon projekti i 'Healthy Seas', 23 ton mbeturina nxirren nga deti Jon në Greqi

Sipas një projekti të pastrimit nga organizata dhe partnerët rezultoi në largimin e 76 tonë mbeturinave nga detet dhe plazhet në 8 ditë. Ky shkatërrim ishte rezultat i një ferme peshku që u braktis 10 vjet më parë, duke shkaktuar kërdi në mjedis, komunitet dhe trafikun detar.

7 Qershor 2022, 14:02 Nga d.a
Përfundon projekti i 'Healthy Seas', 23 ton mbeturina nxirren nga
Vullnetaret e Health Sea

GREQI- Një tjetër përpjekje masive për mbrojtjen detare sapo përfundoi në ishullin Itaka, në Greqi i ndërmarrë nga organizata 'Healthy Seas'.

Me mbështetjen e Hyundai, 'Healthy Seas' dhe 'Ghost Diving' së bashku me shumë partnerë, organizuan një projekt pastrimi nga marsi deri në qershor me ndihmën e peshkatarëve vendas dhe zhytësve vullnetarë duke u fokusuar në 14 vende të ndryshme rreth ishullit, duke përfshirë fermën e fantazmave, por edhe portin e Vathy. Në total, u hoqën rreth 23,500 kg mbetje, nga të cilat 18,500 kg rrjeta dhe 5,000 kg lloje të tjera mbeturinash detare, duke përfshirë disa qindra metra rrjeta dhe linja të gjata.

Është vlerësuar se 640,000 ton pajisje peshkimi humbasin ose braktisen çdo vit në dete dhe oqeane. Fenomeni merr emrin 'peshkimi fantazmë' sepse rrjetat duken pothuajse të padukshme nënujë duke bllokuar dhe vrarë të gjitha llojet e kafshëve detare. 

Njëzet e pesë rrjeta të mëdha për kultivimin e peshkut janë hequr nga 'ferma e fantazmave' në zonën e Kalavrit, në Itakë. Përpjekja e koordinuar filloi me zhytës vullnetarë nga Holanda, Britania e Madhe, Libani, Hungaria dhe Greqia, duke prerë dhe ngjitur çanta ngritëse në rrjeta. Me daljen në sipërfaqe, një maune me vinç nxori rrjetat nga uji dhe i vendosi në kontejnerë që do të përdoren për transportimin e rrjetave për riciklim. Këto rrjeta do të rigjenerohen së bashku me mbetje të tjera najloni në fije ECONYL®, bazë për produkte të reja si çorape, rroba banje, veshje aktive, qilima dhe më shumë.

Parandalimi është mënyra e vetme për të ndaluar fenomenin e peshkimit fantazmë dhe për të ndaluar degradimin e oqeanit. Për këtë qëllim, përveç aktiviteteve të pastrimit, Healthy Seas dhe Enaleia me projektin e saj Mediterranean Clean Up, kanë punuar së bashku që nga viti 2017 për të edukuar peshkatarët në Greqi dhe Itali dhe për të mbledhur rrjetat e tyre të mbeturinave përpara se të përfundojnë në një vendgrumbullim ose më keq, në natyrë. Në kuadrin e projektit në Itaka, 5 peshkatarë vendas u mobilizuan për të kufizuar aktivitetin e peshkimit dhe në vend të kësaj për të mbledhur plastikë nga vende të largëta rreth ishullit.

 

Sondazh

Poll

MË SHUMË