Bota

Vrasja e transgjinores në Itali/ Arrestohet një person, numri i shashisë e nxjerr zbuluar

I dyshuari është djali i një marangozi dhe dyshohet se ka qëlluar me pistoletë të kalibrit 22 në pronësi të babait të tij. 

7 Qershor 2022, 14:26 Nga A.B
Vrasja e transgjinores në Itali/ Arrestohet një person, numri i
Carlo Bertolotti

ITALI- Një burrë 44-vjeçar, me profesion artizan është ndaluar nga policia pasi dyshohet si autori i vrasjes së transgjinores Carlo Bertolotti. Autori i dyshuar banon në Aulla (Massa Carrara) e aktualisht ndodhet në komisariatin e Sarzanës. 'La Nazione' shkruan se i dyshuari është djali i një marangozi dhe dyshohet se ka qëlluar me pistoletë të kalibrit 22 në pronësi të babait të tij. 

Makina, Ford Fiesta ngjyrë gri, pa targë, brenda së cilës u gjetën të paktën dy këllëfë armësh dhe disa gjurmë gjaku në dyshek, është në emrin e 44-vjeçarit. Policia arriti tek pronari i makinës përmes numrit të shasisë.

Kush ishte viktima

Transgjinorja e cila u gjet ditën e sotme e vrarë quhej Carlo Bertolotti dhe ishte 43 vjeç. Ai jetonte në Montebello di Ceparana. Deri në vitin 2012 kishte pasur një parukeri të njohur në qendër të Ceparanës. Vitin e kaluar ajo u transferua në Albiano Magra pasi i dogjën shtëpinë. Fshatarët kishin mbledhur edhe fonde për ta ndihmuar. Pak muaj më parë ajo kishte gjetur një punë si parukiere në një dyqan në Spezia. 

Vrasja e transgjinores vjen 24 orë pas vrasjes së Nevila Pjetrit, gruas shqiptare e cila u gjet e pajetë pranë përroit Parmignola në orën 02:00 të mëngjesit të së dielës, në kufirin mes Ligurias dhe Toskanës. Trupi i transgjinores u gjet në lokalitetin Bozi, në Sarzanë një zonë bujqësore e përshkuar nga përrenj të vegjël, jo shumë larg vendit ku u gjet trupi i Nevilës. 

 

Sondazh

Poll

MË SHUMË