Art&Argëtim

10 destinacionet europiane më të mira për këtë verë(Foto)

25 Korrik 2019, 16:38 Nga DOSJA

TIRANË- Sot në këtë artikull Dosja.al do t’iu tregojë 10 destinacionet më fantastike për t’u vizituar. Nga Shqipëria në Hollandë më poshtë lexoni vendet më të vizituara në Europë.

Trebbia, Itali

Val Trebbia është një ndër vendet më të qeta të Italisë që Ernest Hemingway e quajti “lugina më e bukur në botë”. Pamja mahnitëse e gjelbërimit dhe ujit të mrekullueshëm në lumin Trebbia, i rrethuar me kështjella e shtëpi të vogla romantike ky është një vend unik për të pushuar disa ditë.
Sperlonga, Itali

Vitin e kaluar po udhëtoja me tren nga Roma në Napoli, kur mbeta në stacionin e vogël të Formisë. Një shitës paninesh më çoi në shtëpinë e vogël të vëllait të tij në Sperlonga 20 minuta larg, dhe qëndrova atje për një javë. Është një qytet i mrekullueshëm, rrugët kodrinore me shtëpi me gurë të bardhë, turistë të lirë ndërkombëtar, bare dhe pizzeri. Plazhi me rërën e butë ka pamje të mrekullueshme të Monte Circeo 541 metra me shpellat e saj, të tilla si Grotta delle Capre, ku dhitë janë strehuar aty që nga antikiteti. Alex Hughes

Berat, Albania

Berati njihet si qyteti i një mijë dritareve për kodrën e bukur të mbushur me çati karakteristike. Ekziston edhe një kështjellë për të eksploruar pamjen e bukur mbi luginën e gjerë. Më pas ka plot taverna, të këndshme ku mirëpresin klientët me ushqim të shijshëm, tipik vendas. Tim Alderson

Ohri, Maqedonia Veriore

Ohri është një ndër qytetet që ngjitet në buzë të liqenit të bukur të Ohrit. Udhëtuam atje me makinë nga Shqipëria kështu që me të vërtetë u ndjeva si në një udhëtim në të panjohurën. Qyteti është plot me turistë, ka vendpushim afër liqenit. Ky qytet ofron vlera të mëdha dhe pamje të bukur, sidomos për ecje ose çiklizëm, por xhevahiri është liqeni me ujin e kristaltë.Darryl

Laroles, malet Alpujarra, Spanjë

Një orë e gjysmë me makinë nga qyteti historik i Granadës dhe plazhet e paprishura të Cabo de Gata në Almeria, fshati i bardhë i Laroles dhe grupi i fshatrave rreth tij, ofrojnë një pamje të rrallë të jetës në komunitetin rural spanjoll. Helen Rogers
Lapa dos Dinheiros, Portugali
Në “Serra da Estrela” qëndruam në fshatin e vogël Valezim dhe shëtitëm nëpër pyje që kishte shumë pisha ku pranë tij kishte edhe një plazh lumor me gurë të mëdhenj. Felix Macpherson

Arcadia, Greqi

Në zemër të jug-perëndimit të Greqisë shtrihet rajoni mahnitës i Arcadia. Zona deri në jug, është çuditërisht e harlisur dhe e gjelbër, me lumenjtë e qartë malorë me gryka të pjerrëta. Pastaj pamë për disa orë rrugët malore, ndaluam përgjatë rrugës në një fshat të bukur, Stemnitsa. Ishte një vend që të frymëzonte, vende të tilla të veçanta gjithmonë janë të pa shkelura nga këmba e njeriut. Susie Lee-Kilgariff

Zeeland, Holandë

Bregdeti holandez përmban plazhe të gjata ranore të mbështetura nga duna të mëdha. Është e papërshkrueshme kur dielli derdhet mbi det gjatë perëndimit. Atje mund të merrje shtëpi të vogla pushimi pranë detit, që ët jepnin mundësinë e shijimit të zhurmës së dallgëve të detit gjatë mbrëmjes dhe mëngjesit. Jeremy

Ardennes, Belgjikë

Ne qëndruam në pjesën belge të Ardennes dhe na pëlqeu jashtëzakonisht shumë sepse ishte për ne një ndër vendet më të të lezetshme në Evropë. Kishte shtigje dhe kodra, pyje përgjatë lumenjve, të cilat kurrë nuk janë shumë të fuqishme, por gjithnjë duket se dalin në një fshat shumë komod me pamje të mrekullueshme. Shërbehej ushqim tipik vendas, ushqime shtëpie. Chris Pickles

Sarajevë, Bosnje-Hercegovinë

Sarajeva është një yll në gjithë botën e turizmit. Ky qytet i bukur, magjepsës është krejt e kundërta nga mbeti prej luftës së viteve 1990. Me xhami dhe kisha me sa duket në çdo cep, ajo meriton shumë monarkinë e saj “Jerusalemi i Evropës”. Rrugët e ngushta dhe rrugët e tregjeve të lagjes së vjetër, pazari prej në kohën e osmanëve me kafene dhe restorante tradicionale. Sarah