Aktualitet

“Barbarizëm”/ Opozita dhe pozita kërkojnë seancë dëgjimore me AMA-n për rastin e Librazhdit

Deputetja demokrate Flutura Açka si dhe homologu i saj socialist Petro Koçi në Komisionin për Edukimin dhe Mjetet e Informimit Publik kanë shprehur shqetësimet e tyre në lidhje me këtë rast, duke kërkuar nga AMA që të reagojë në raste të tilla, në mënyrë që video të ngjashme të mos shpërndahen në media.

6 Qershor 2022, 17:04 Nga I.A
“Barbarizëm”/ Opozita dhe pozita kërkojnë seancë
Flutura Açka

TIRANË- Rasti i 20-vjeçares nga Librazhdi që u dhunua pasi u kap me të dashurin nga vjerri dhe vjerra ka bërë bashkë pozitën dhe opozitën. Deputetja demokrate Flutura Açka si dhe homologu i saj socialist Petro Koçi në Komisionin për Edukimin dhe Mjetet e Informimit Publik kanë shprehur shqetësimet e tyre në lidhje me këtë rast, duke kërkuar nga AMA që të reagojë në raste të tilla, në mënyrë që video të ngjashme të mos shpërndahen në media. Për këtë si mazhoranca dhe opozita kanë rënë dakord që të zhvillojnë një takim me AMA-n, për të kërkuar reagim sa më të shpejtë.


Açka: Ajo ngjarja me atë vajzën e Librazhdit më ka tronditur shumë dhe them që është e nevojshme një seancë dëgjimore me AMA-n apo për çfarë kanë ato nevojë për nesh sepse ekzekutimi, akti ishte me vonesë. Gjerat ndodhën ligjet duhet të veprojë dhe AMA duhet të veprojë shumë më shpejt sesa veprojnë keqbërësit. Janë me mijëra vajza që kanë nevojë për mbështetjen tonë. Unë për vetën time e kam përjetuar kaq, disa ditë nuk kam qenë mirë. Për mua ka qenë në kufijtë e mesjetës.

Koçi: Bashkohem me shqetësimin e kryetares. Ka qenë një shqetësim që e kemi ndjerë të gjithë dhe transmetimi në portale dhe media ka qenë e rëndë. Nuk hyjmë në çështjet private, por ajo që ka ndodhur ka qenë një linçim publik, i një shtetaseje që ka të drejtat e veta, madje ka të drejtat e veta edhe të gabojë. Ka qenë një barbarizëm dhe një kthim prapa që nuk ka lidhje me civilizimin e sotëm. Unë do propozoja që një grup nga ne të bëjmë një takim me drejtoreshën e AMA pa bërë një dëgjesë publike, sepse nuk dua që ta ngacmojmë më tej. Jam dakord, reagimi duhet të jetë më i shpejtë. Kështu që unë mendoj që ne që drejtojmë komisionin, dy nga opozita dhe dy nga mazhoranca të bëjmë një takim me AMA dhe ketë ta bëjmë publike si takim.

E reja nga Librazhdi u bë protagoniste në media pasi vjehrra e vjehrri e kapën me një tjetër burë në shtratin që ndante me djalin e tyre, që aktualisht ndodhet në emigrim. Vjehhra e vjehrri e dhunonin, ofendonin dhe e nxorrën gjysmë nudo, gjë për të cilën janë ndjekur penalisht. AMA bëri thirrje për heqjen e pamjeve nga mediat.

Sondazh

Poll

MË SHUMË