Bota

Aksident i rëndë në Itali, autobuzi që vinte nga Serbia përplaset me dy kamionë, lëndohet shoferi

Zjarrfikësit ndërhynë në kryqëzimin e autostradës midis Vicenza Lindore dhe Perëndimore, pak përpara tuneleve, për shkak të një përplasjeje nga ana e pasme ku u përfshinë dy kamionë dhe një autobus, shoferi i këtij të fundit mbeti i plagosur.

6 Qershor 2022, 14:22 Nga DOSJA
Aksident i rëndë në Itali, autobuzi që vinte nga Serbia
Aksident ne Itali

ITALI- Një aksident ka ndodhur mëngjesin e sotëm në të cilin u përfshi një autobus i cili ishte nisur nga Serbia për në Bolzano të Italisë.

Sipas mediave italiane, zjarrfikësit ndërhynë në kryqëzimin e autostradës midis Vicenza Lindore dhe Perëndimore, pak përpara tuneleve, për shkak të një përplasjeje nga ana e pasme ku u përfshinë dy kamionë dhe një autobus, shoferi i këtij të fundit mbeti i plagosur.

Shoferi i autobusit kishte mbetur i mbërthyer në sediljen e tij ndaj dhe pati vështirësi në nxjerrjen e tij ku u përdorën gërshërë, tërheqës dhe fole hidraulike.

Pa asnjë plagë dolën 19 pasagjerët në autobus si dhe dy drejtuesit e mjeteve të rënda. Shoferi u mor nën kujdes nga stafi mjekësor i stabilizuar i Suem dhe u transferua në spital.

Radhë të gjata makinash dhe trafiku u krijuan në drejtim të Milanos dhe Venecias pas aksidentit.

Sondazh

Poll

MË SHUMË